الكوگولدى ىشىمدىك ءىشۋ تەست ناتيجەسىنە كەرى اسەر ەتۋى مۇمكىن.
پاندەمياداعى ءومىر ازاماتتاردان جاڭا ەرەجەلەردى تالاپ ەتەدى، ولاردىڭ كەيبىرەۋلەرىن پتر تاپسىرعانعا دەيىن ەستە ساقتاۋ كەرەك، دەپ حابارلايدى Almaty-akshamy.kz
«ۆەستي» راديوسىنا سۇقبات بەرگەن "روسپوترەبنادزور" ماماندارىنىڭ ايتۋىنشا، كوروناۆيرۋسقا پتر تەست تاپسىرار الدىندا ەشتەڭە ءىشىپ- جەۋگە، ونىڭ ىشىندە الكوگولدى ىشىمدىك ىشۋگە ءتىپتى بولمايدى.
«سىنامالاردى سوڭعى تاماقتانعاننان كەيىن ءۇش ء-تورت ساعاتتان كەشىكتىرمەي الۋ قاجەت، ايتپەسە، ناۋقاس جالعان تەرىس ناتيجە الۋى مۇمكىن. ءدال سول سەبەپتى پتر تەستتەن وتۋدەن بۇرىن تىستەرىڭىزدى تازالاماڭىز، دارىلىك سپرەيلەردى، دارى-دارمەكتەردى جانە تامشىلاردى قولدانباڭىز»، - دەپ ەسكەرتەدى ساراپشىلار.
سىناق الدىندا ەرىن دالابى مەن بالزامدى دا قولدانباعان دۇرىس. ەرەجە بويىنشا، مەديسينا قىزمەتكەرلەرى پروسەدۋرا كەزىندە اۋىزعا تيمەيدى، ءبىراق پروبيركاعا كوسمەتيكانىڭ كەزدەيسوق ءتيىپ كەتۋى دە پتر رەاكسياسىن باسەڭدەتۋى مۇمكىن. دارىگەرلەردىڭ ايتۋىنشا، ەگەر ىشىمدىك ءىشىپ قويعان جاعدايدا، پتر تاپسىرۋعا ەكى كۇننەن كەيىن عانا بارعان دۇرىس بولادى.