رەسەيلىكتەر اقپاراتتىق ستەندتەردىڭ قولايلى ەتىپ ورنالاستىرىلعانىن جانە جالپى سايلاۋ ۋچاسكەلەرىنىڭ دە ىڭعايلى جەردە ورنالاسقانىن اتاپ ءوتتى. باقىلاۋشىلار مۇنداي تاجىريبەنى ءوز ەلدەرىندە دە ەنگىزۋ كەرەك دەپ ەسەپتەيدى، ال سايلاۋعا كەلۋ پايىزى بويىنشا پسكوۆ وبلىسىندا دا شامامەن وسىنداي كورسەتكىش بولادى ەكەن. ق ر پارلامەنتىنىڭ ءماجىلىسى جانە الماتى قالاسىنىڭ ءماسليحات دەپۋتاتتارىن سايلاۋ بويىنشا جالپىقالالىق باسپا ءسوز ورتالىعىنىڭ الاڭىندا 20 ناۋرىز كۇنى بريفينگ ءوتتى، دەپ حابارلايدى Almaty-akshamy.kz
ءبىرقاتار حالىقارالىق جانە جەرگىلىكتى بايقاۋشىلار سايلاۋدى لايىقتى دەڭگەيدە، زاڭعا سايكەس ءوتتى دەپ ەسەپتەيدى. مۇنداي اشىقتىق پەن باسەكەگە قابىلەتتىلىك دەڭگەيى مەملەكەت باسشىسىنىڭ سايلاۋ جۇيەسىندە ۇلكەن وزگەرىستەرگە اكەلگەن ساياسي رەفورمالارىنىڭ ارقاسىندا مۇمكىن بولدى.
پسكوۆ وبلىسى (رف) ۇكىمەتىنىڭ ىشكىساياسات باسقارماسىنىڭ مۋنيسيپالدى قۇرىلىمدارداعىقوعامدىق-ساياسي پروسەستەردى باقىلاۋ ءبولىمى باسشىسىنىڭ ورىنباسارى الەكسەي پونومارەنكو الماتىدا سايلاۋ سايلاۋ زاڭناماسىن زاڭ بۇزۋشىلىقسىز وتكەنىن باسا ايتتى. ول داۋىس بەرۋ بارىسىن باقىلاعان قوعامدىق باقىلاۋشىلار مەن سەنىمدى وكىلدەر وكىلدەرىنىڭ كوپتىگىن اتاپ ءوتتى.
«سايلاۋ كوميسسيالارىنىڭ دايىندىق دەڭگەيى ايتارلىقتاي جوعارى. سايلاۋ وتە جاقسى دەڭگەيدە ءوتتى، مەن سايلاۋ كوميسسيالارىنىڭ كاسىبيلىگىن، سايلاۋ ۋچاسكەلەرىنىڭ بەزەندىرىلۋىن، قولايلى ورنالاساۋىن اتاپ وتكىم كەلەدى. وسىنىڭ ءبارى كەز كەلگەن سايلاۋشى ءوز تاڭداۋىن سانالى تۇردە جانە بارىنشا ىڭعايلى جاساي الاتىنىن كورسەتەدى»، - دەدى ا.پونومارەنكو ءوز سوزىندە.
پسكوۆ وبلىسىنان كەلگەن (رف) سايلاۋ كوميسسياسىنىڭ مۇشەسى بوريس سوكولوۆ سايلاۋدىڭ ناۋرىز مەيرامى قارساڭىندا وتكەنى بۇل شاراعا ەرەكشە ءسان كىرگىزگەنىن اتاپ ءوتتى. ماسەلەن، 328ء-شى سايلاۋ ۋچاسكەسىندە مەرەكەگە وراي شاتىرلار تىگىلىپ، سايلاۋ كوميسسياسىنىڭ مۇشەلەرى ۇلتتىق كيىم كيگەن، بۇل كورىنىس كوتەرىڭكى كوڭىل كۇي سىيلادى.
«ءبىز داۋىس ساناۋ كەزىندە دە بولدىق، ءبارى زاڭ اياسىندا جاسالدى. باقىلاۋشىلار سوڭىنا دەيىن وتىردى، سول ءۇشىن ولارعا بولەك العىس ايتامىز. جالپى سايلاۋ ابىرويمەن، ءتىپتى جوعارى دەڭگەيدە ءوتتى»، - دەپ جالعاستىردى ب.سوكولوۆ.
باسپا ءسوز ورتالىعىنداعى جۋرناليستەردىڭ سۇراقتارىنا جاۋاپ بەرگەن حالىقارالىق باقىلاۋشىلار 100-دەن استام ارىپتەستەرىمەن پىكىر الماسىپ ۇلگەرگەندەرىن ايتتى.
ءبىراق سايلاۋعا قاتىسۋعا كەلەتىن بولساق، ولار ءىرى قالالار حالىقتىڭ سايلاۋعا دەگەن قىزىعۋشىلىعىنىڭ جوعارىلاۋىمەن ەرەكشەلەنبەيتىنىن ايتتى. جانە بۇل قالىپتى جاعداي.
«قالالاردا ءبىزدىڭ سايلاۋعا قاتىسۋ كورسەتكىشى مۋنيسيپالدىق وكرۋگتەرگە قاراعاندا تومەن جانە شامامەن 20-30% قۇرايدى. قازاقستانعا كەلەتىن بولساق، مۇندادا سونداي جاعداي. ادامداردىڭ وبەكتيۆتى سەبەپتەرى بولۋى مۇمكىن، جانە جول ءجۇرىپ كەتۋ سەبەپتەرى دە بولۋى مۇمكىن»، - دەدى ب.سوكولوۆ.
قورىتىندىلاي كەلە، پسكوۆ وبلىسىنان كەلگەن بايقاۋشى سايلاۋ ۋچاسكەلەرىندە كانديداتتار تۋرالى اقپاراتتىق ستەندتەردى اتاپ ءوتتى.
«كەز كەلگەن قاتىسۋشى سايلاۋ ۋچاسكەسىنە كەلىپ، كانديداتتار تۋرالى اقپاراتپەن تانىسىپ بارىپ، تاڭداۋ جاساۋ مۇمكىندىگى بولدى. ۇگىت-ناسيحات جۇمىستارىنىڭ اياسىندا بۇل جايت ءبىز ءۇشىن ەسكەرەتىن جايت»، - دەپ تۇيىندەدى ءسوزىن ب.سوكولوۆ.
حالىقارالىق باقىلاۋشىلاردىڭ جۇمىسى ەسەپ بەرۋمەن اياقتالادى.