پروكۋرورلار قاۋىپ-قاتەر ايماعىنداعى 63 مىڭ وتباسىنى ارالادى

«باقىتتى جانە ءقاۋىپسىز بالالىق شاق» جوباسى اياسىندا پروكۋرورلار بالالارعا قاتىستى ءقاۋىپ نەمەسە زورلىق-زومبىلىق فاكتىلەرىن انىقتاۋ ءۇشىن 63 مىڭنان استام وتباسىنا باردى، دەپ حابارلايدى aqshamnews.kz.
 
جۇمىس ناتيجەلەرى:

• قامقورشىلارعا، اسىراپ الۋشىلارعا، اتا-انالارعا جانە باسقا دا تۇلعالارعا قاتىستى 93 سوتقا دەيىنگى تەرگەپ-تەكسەرۋ باستالدى؛

• 11 مىڭ اتا-انا مەن زاڭدى وكىلدەر بالا تاربيەلەۋ مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى؛

• 342 بالا اسا اۋىر جاعدايعا تاپ بولعاندىقتان، قولايسىز وتباسىلاردان مەملەكەت قامقورلىعىنا الىندى.
 
تەكسەرۋلەردىڭ ناتيجەسىندە:

• 54 اتا-انانىڭ قۇقىقتارىن شەكتەۋ جانە 92 اتا-انا قۇقىعىنان تولىق ايىرۋ تۋرالى تالاپ-ارىزدار بەرىلدى؛

• 2 مىڭنان استام وتباسىعا ماتەريالدىق كومەك كورسەتىلدى (العاشقى كومەك زاتتارى، ازىق-تۇلىك، وقۋ قۇرالدار، كومىر جانە باسقالارى)؛

• 1 مىڭنان استام وتباسىعا تۇرعىن ءۇي ماسەلەسى بويىنشا قولداۋ كورسەتىلدى؛

• 10 مىڭ وتباسىعا مەديسينالىق جانە الەۋمەتتىك كومەك ۇسىنىلدى؛

• بالالارعا 4،5 ملرد تەڭگە كولەمىندە اليمەنت ءوندىرىپ الىندى.