بۇل جاعداي الماتىداعى مەديسينالىق مەكەمەدە ايتۆ جۇقتىرۋ جاعدايىنا بايلانىستى قولعا الىنىپ وتىر.
الماتى قالاسىنىڭ ورتالىق قالالىق كلينيكالىق اۋرۋحاناسىندا ءۇش پاسيەنتتىڭ ايتۆ ينفەكسياسىن جۇقتىرۋ فاكتىسى بويىنشا ىشكى ىستەر ورگاندارى قىلمىستىق كودەكستىڭ 118-بابىنىڭ 3-بولىگى (ەكى نەمەسە ودان دا كوپ ادامعا قاتىستى جاسالعان ادامنىڭ يممۋن تاپشىلىعى ۆيرۋسىن (ايتۆ) جۇقتىرۋ) بويىنشا قىلمىستىق ءىستى تەرگەپ-تەكسەرۋدە، دەپ حابارلايدى Almaty-akshamy.kz Elorda.info-عا سىلتەمە جاساپ.
وقيعانىڭ بارلىق ءمان-جايلارىن انىقتاۋ بويىنشا شارالار قابىلدانۋدا.
قازاقستاندا سوڭعى 10 جىلدا مەديسينالىق مەكەمە جاعدايىندا ۆيرۋستى جۇقتىرۋ العاش رەت تىركەلدى.
«سوندىقتان مۇنداي فاكتىلەردىڭ الدىن الۋ ماقساتىندا باس پروكۋراتۋرا دەنساۋلىق ساقتاۋ مينيسترلىگىنە ستاسيونارلىق، امبۋلاتوريالىق-ەمحانالىق جانە كونسۋلتاسيالىق-
دياگنوستيكالىق كومەك كورسەتەتىن ۆەدومستۆولىق باعىنىستى مەديسينالىق مەكەمەلەردە كەشەندى تەكسەرۋلەر جۇرگىزۋ تۋرالى تالاپ جىبەردى»،- دەلىنگەن ۆەدومستۆو تاراتقان مالىمەتتە.
ءبىرىنشى كەزەڭدە 549 مەديسينالىق مەكەمەنى تەكسەرۋلەرمەن قامتۋ جوسپارلانۋدا.
ايتا كەتەيىك، بۇل ماسەلە باس پروكۋروردىڭ ەرەكشە باقىلاۋىندا.