مەملەكەتتىك كەڭەسشى ەرلان قارين وسىلاي دەپ پىكىر ءبىلدىردى، دەپ حابارلايدى almaty-akshamy.kz
ءبىر جىل بۇرىن قازاقستاندىقتاردىڭ باسىم بولىگى، ياعني ازاماتتاردىڭ 77،18 پايىزى رەسپۋبليكالىق رەفەرەندۋمدا ەل كونستيتۋسياسىن وزگەرتۋ تۋرالى زاڭ جوباسىن جاقتاپ داۋىس بەردى، دەپ جازدى مەملەكەتتىك كەڭەسشى ەرلان قارين ءوزىنىڭ الەۋمەتتىك پاراقشاسىندا.
كونستيتۋسياعا ەنگىزىلگەن تۇزەتۋلەر پرەزيدەنت، پارلامەنت جانە سوت ينستيتۋتتارىن رەفورمالاۋدى كوزدەدى. وسىلايشا، مەملەكەت باسشىسىنىڭ 2022 جىلدىڭ 16 ناۋرىزىندا جاريالانعان جولداۋىندا ايتىلعان اۋقىمدى ساياسي جاڭعىرۋ باعدارلاماسى كونستيتۋسيالىق تۇرعىدان بەكىدى.
بۇل رەفەرەندۋم قازاقستان قوعامى ءۇشىن ماڭىزدى وقيعا بولدى. ويتكەنى ءبىز ەل دامۋىنداعى جاڭا كەزەڭگە قادام باستىق. ەڭ باستىسى، رەفەرەندۋم – قوعامدىق بىرىگۋدىڭ جاڭا دەڭگەيگە كوتەرىلگەنىن كورسەتتى. ءبىز ونى پرەزيدەنت جانە پارلامەنت سايلاۋلارىندا انىق بايقادىق.
جالپى، ەلىمىزدە وتە قىسقا مەرزىمدە جۇزەگە اسىرىلعان تۇبەگەيلى ساياسي رەفورمالار ايماقتاعى بىرەگەي قۇبىلىسقا اينالدى. قازاقستان جاڭا كۇن ءتارتىبىن بەلگىلەپ بەردى.
كونستيتۋسيالىق رەفورما مەن سوڭعى سايلاۋ سيكلى جاڭا ساياسي جۇيەنىڭ كەلبەتىن قالىپتاستىردى. پرەزيدەنتتىڭ ساياسي جاڭعىرۋ باعدارلاماسىن ىسكە اسىرۋ جالعاسا بەرەدى. الدىمىزدا اۋداندار مەن وبلىستىق ماڭىزى بار قالالار اكىمدەرىنىڭ سايلاۋى تۇر، - دەيدى ە.قارين