ول - وتباسىنداعى زورلىق-زومبىلىق ماسەلەلەرىمەن اينالىسقان زاڭگەر.
«قازاق انالارى — داستۇرگە جول» قوعامدىق بىرلەستىگى پرەزيدەنت سايلاۋىنا سالتانات تۇرسىنبەكوۆانىڭ كانديداتۋراسىن ۇسىندى، دەپ حابارلايدى Almaty-akshamy.kz
«ءيا، بۇگىن مەنى پرەزيدەنتتىككە ۇسىندى. 11 قازان ۇمىتكەرلەردى ۇسىنۋدىڭ سوڭعى كۇنى ەكەنىن بىلەمىز. ءبىراق جۇمىس كۇنى كەشكى ساعات 18:00-گە دەيىن عوي، ۋاقىت ءالى بار. زاڭ بويىنشا بۇگىن قۇجات تاپسىرامىز»، - دەدى تۇرسىنبەكوۆا Sputnik قازاقستان تىلشىسىنە بەرگەن سۇحباتىندا.
زاڭگەر سالتانات تۇرسىنبەكوۆا وتباسىنداعى زورلىق-زومبىلىق ماسەلەلەرىمەن اينالىسقان. ايەلگە قول كوتەرەتىن باسبۇزارلاردى قوعامدىق باقىلاۋ ينستيتۋتتارىن قۇرۋ باستاماسىن دا كوتەرگەن.
تۇرسىنبەكوۆا استانا قالاسىنىڭ قوعامدىق كەڭەسىنە كىرەدى. بۇدان بولەك، پرەزيدەنت جانىنداعى ايەلدەر ىستەرى جانە وتباسى-دەموگرافيالىق ساياسات ۇلتتىق كوميسسيانىڭ مۇشەسى.
باس پروكۋروردىڭ ماڭىزدى ىستەر جونىندەگى اعا كومەكشىسى بولعان. «وتباسىنداعى زورلىق-زومبىلىقسىز قازاقستان» جوباسىنا جەتەكشىلىك ەتتى.