كەزەكتەن تىس پرەزيدەنت سايلاۋى 2022 جىلدىڭ 20 قاراشاسىندا وتەدى.
ءاربىر كانديداتتى قولداۋعا 118 مىڭ 273 سايلاۋشىنىڭ قولى جينالۋعا ءتيىس، دەپ حابارلايدى Almaty-akshamy.kz
ەلىمىزدە پرەزيدەنتتىككە ۇمىتكەرلەردى ۇسىنۋ باستالدى. كەزەكتەن تىس پرەزيدەنتتىك سايلاۋعا كانديداتتاردى ۇسىنۋ 11 قازاندا اياقتالادى.
كانديداتتاردى ۇسىنۋ قۇقىعى بەلگىلەنگەن تارتىپپەن تىركەلگەن رەسپۋبليكالىق قوعامدىق بىرلەستىكتەرگە تيەسىلى.
كونستيتۋسياعا سايكەس، ۇمىتكەرلەرگە كەلەسى تالاپتار قويىلادى: ازاماتتىعى، سوڭعى 15 جىلدان بەرى قازاقستان اۋماعىندا تۇرۋى، جوعارى ءبىلىمىنىڭ بولۋى، 40 جاسقا تولۋى، بەلسەندى سايلاۋ قۇقىعىنىڭ بولۋى، مەملەكەتتىك قىزمەتتە نەمەسە سايلانبالى لاۋازىمداردا كەم دەگەندە 5 جىل جۇمىس تاجىريبەسىنىڭ بولۋى، مەملەكەتتىك ءتىلدى ەركىن مەڭگەرۋى.
بۇدان بولەك كانديدات ەڭ تومەنگى جالاقىنىڭ 50 ەسەلەنگەن مولشەرىندە (3 ملن تەڭگە) سايلاۋ جارناسىن ەنگىزەدى. جالاقىنىڭ ەڭ تومەن مولشەرى 60 مىڭ تەڭگەنى قۇرايدى.
ەگەر سايلاۋ قورىتىندىلارى بويىنشا ۇمىتكەر مەملەكەت باسشىسى بولىپ سايلانسا نەمەسە داۋىس بەرۋ قورىتىندىسى بويىنشا كانديدات داۋىس بەرۋگە قاتىسقان سايلاۋشىلار داۋىسىنىڭ كەمىندە 5%-ىن السا، ەنگىزىلگەن جارنا كانديداتقا قايتارىلادى. قالعان جاعدايلاردا ەنگىزىلگەن جارنا قايتارىلۋعا جاتپايدى جانە رەسپۋبليكالىق بيۋدجەت كىرىسىنە الىنادى.
قول قويۋ پاراقتارى ۇمىتكەردىڭ كونستيتۋسيا مەن كونستيتۋسيالىق زاڭنىڭ تالاپتارىنا سايكەستىگى انىقتالعاننان كەيىن 5 كۇن ىشىندە بەرىلۋگە ءتيىس.
2022 جىلعى 1 شىلدەدەگى جاعداي بويىنشا، ورتالىق سايلاۋ كوميسسياسىنىڭ دەرەكتەرىنە سايكەس سايلاۋشىلار تىزىمىندە 11 ملن 827 مىڭ 277 ازامات بار.
ءاربىر كانديداتتى قولداۋعا 118 مىڭ 273 سايلاۋشىنىڭ قولى جينالۋى ءتيىس.
سايلاۋ الدىنداعى ۇگىت-ناسيحات جۇمىسى 2022 جىلعى 21 قازان ساعات 18:00-دە باستالىپ، 18 قاراشاعا دەيىن جالعاسادى. 19 قاراشا – ۇنسىزدىك كۇنى. ورتالىق سايلاۋ كوميسسياسى 21-22 قاراشا ارالىعىندا سايلاۋدىڭ الدىن الا قورىتىندىسىن شىعارادى. 21-27 قاراشا ارالىعىندا ناتيجەلەردى انىقتاۋ مەن سايلانعان پرەزيدەنتتى تىركەۋ جۇرگىزىلەدى.