سامميت 12-13 قازاندا ەلوردادا وتەدى
پرەزيدەنت قاسىم-جومارت توقايەۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشىلىعىنىڭ اتقارۋشى ديرەكتورى قايرات سارىبايدى قابىلدادى. Almaty-akshamy.kz بۇل تۋرالى اقورداعا سىلتەمە جاساپ حابارلايدى.
قاسىم-جومارت توقايەۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەس حاتشىلىعىنىڭ قازىرگى قىزمەتىمەن جانە قازاقستاننىڭ وسى ۇيىمعا 2020-2022 جىلدارداعى ءتوراعالىعىنىڭ قورىتىندىسىمەن تانىستى. اڭگىمەلەسۋ بارىسىندا 12-13 قازاندا ەلوردادا وتەتىن اوسشك-نىڭ VI سامميتىنە دايىندىق ماسەلەسىنە ەرەكشە نازار اۋدارىلعان.
«اوسشك حاتشىلىعىنىڭ اتقارۋشى ديرەكتورى قايرات سارىباي مەملەكەت باسشىسىنا الداعى ءسامميتتىڭ قورىتىندى قۇجاتتارىنىڭ جوبالارىن كەلىسۋ ۇدەرىسى تۋرالى باياندادى.
سونىمەن قاتار پرەزيدەنتكە اوسشك-نى تولىققاندى حالىقارالىق ۇيىمعا اينالدىرۋ جوسپارى جونىندە مالىمەت بەرىلدى. بۇل ماڭىزدى مىندەتتى جۇزەگە اسىرۋ – قازاقستاننىڭ ستراتەگيالىق ماقساتى.
كەزدەسۋ سوڭىندا مەملەكەت باسشىسى الداعى ءسامميتتى جوعارى دەڭگەيدە ۇيىمداستىرۋ جانە اوسشك-تەگى ماقساتتار مەن مىندەتتەردى ءتيىمدى ىسكە اسىرۋ اسا ماڭىزدى ەكەنىن اتاپ ءوتتى»، - دەلىنگەن اقوردا مالىمەتىندە.