قازاقستان پرەزيدەنتىنىڭ كەڭەسشىسى - باسپا ءسوز حاتشىسى رۋسلان جەلدىباي حالىقارالىق دزيۋدو فەدەراسياسىنىڭ (IJF) جاڭا تەحنولوگيالار جانە جوعارى ناتيجەلەر جونىندەگى كوميسسياسىنىڭ ديرەكتورى قىزمەتىنە تاعايىندالدى، - دەپ حابارلايدى اqshamnews.kz ءتىلشىسى Massaget.kz-كە سىلتەمە جاساپ.
رۋسلان جەلدىباي بۇل قىزمەتتى قوسا اتقاراتىن بولادى. ايتا كەتەيىك، بۇل - قوعامدىق نەگىزدەگى جۇمىس (ياعني، ەڭبەكاقى قاراستىرىلماعان).
كوميسسيا زاماناۋي تەحنولوگيالاردى ەنگىزۋ، ولاردى سپورتشىلاردىڭ، الەمدىك دزيۋدو قاۋىمداستىعىنىڭ مۇددەسىنە ساي ءتيىمدى ءارى ەتيكالىق تۇرعىدا پايدالانۋ ماسەلەلەرىمەن اينالىسادى. ەرەكشە كوڭىل يننوۆاسيالارعا، ىنتىماقتاستىققا جانە زامان تالابىنا ساي تۇراقتى دامۋعا بولىنەدى.
IJF وكىلدەرى رۋسلان جەلدىبايدىڭ تاجىريبەسى مەن قۇزىرەتتىلىگى كوميسسيا جۇمىسىنا ەلەۋلى ۇلەس قوسىپ، دزيۋدونى جاھاندىق قوزعالىس رەتىندە ىلگەرىلەتۋگە ىقپال ەتەتىنىنە سەنىم ءبىلدىردى.
رۋسلان جەلدىباي - 2025 جىلعى 17 اقپاننان بەرى قازاقستان پرەزيدەنتىنىڭ كەڭەسشىسى - باسپا ءسوز حاتشىسى. بۇعان دەيىن پرەزيدەنتتىڭ ىشكى ساياسات جانە كوممۋنيكاسيالار جونىندەگى كومەكشىسى قىزمەتىن اتقارعان. 2023 جىلعى قاڭتار مەن قىركۇيەك ارالىعىندا پرەزيدەنت اكىمشىلىگى باسشىسىنىڭ ورىنباسارى - پرەزيدەنتتىڭ باسپا ءسوز حاتشىسى بولعان.