بۇل قىزمەتكە بولات تىلەپوۆ كەلدى.
مەملەكەت باسشىسىنىڭ وكىمىمەن بولات اناپيا ۇلى تىلەپوۆ قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى لاۋازىمىنا تاعايىندالدى، دەپ حابارلايدى Almaty-akshamy.kz اقوردا cايتىنا سىلتەمە جاساپ.
بولات تىلەپوۆ 1978 جىلى كەنتاۋ قالاسىندا دۇنيەگە كەلگەن.
ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «ساياساتتانۋشى، ساياساتتانۋ وقىتۋشىسى» ماماندىعى بويىنشا ءتامامداعان.
2001-2005 جىلدارى «ستراتەگيا» تالداۋ ورتالىعى» قوعامدىق قورىنىڭ ساراپشىسى، الەۋمەتتىك-ساياسي زەرتتەۋلەر عىلىمي-زەرتتەۋ ينستيتۋتىنىڭ عىلىمي قىزمەتكەرى، ساياسي تەحنولوگيالار ورتالىعىنىڭ اعا عىلىمي قىزمەتكەرى بولىپ جۇمىس ىستەدى.
2005-2006 جىلدارى — الماتى قالاسى اكىمى اپپاراتىنىڭ قازاقستان حالقى كىشى اسسامبلەياسى مەڭگەرۋشىسىنىڭ مىندەتىن اتقارۋشى، حاتشىلىق مەڭگەرۋشىسى.
2008 جىلى الماتى قالاسى ىشكى ساياسات دەپارتامەنتى ديرەكتورىنىڭ ورىنباسارى، ىشكى ساياسات باسقارماسى باسشىسىنىڭ ورىنباسارى قىزمەتىن اتقاردى.
2008 جىلدان 2013 جىلعا دەيىن — استانا قالاسى ىشكى ساياسات باسقارماسى باسشىسىنىڭ ورىنباسارى، باسشىسى.
2013-2014 جىلدارى — «استانا قالاسىنىڭ ىشكى ساياسات باسقارماسى» مم باسشىسى.
2014-2015 جىلدارى — قورعانىس مينيسترلىگىنىڭ اكىمشىلىك دەپارتامەنتى باسشىسىنىڭ ورىنباسارى.
2015-2016 جىلدارى — پرەمەر-مينيستر ورىنباسارىنىڭ كەڭەسشىسى.
2017-2019 جىلدارى — قازاقستان رەسپۋبليكاسىنىڭ رەسەي فەدەراسياسىنداعى ەلشىلىگىنىڭ كەڭەسشىسى.
2019 جىلعى قاراشادان باستاپ قازىرگى تاڭعا دەيىن پرەزيدەنتى اكىمشىلىگىنىڭ مەملەكەتتىك ينسپەكتورى بولىپ جۇمىس ىستەدى.