جۇزدەسۋدە تۇرعىن ءۇي ساياساتى مەن جەرگىلىكتى ءوزىن-وزى باسقارۋ جۇيەسىن ودان ءارى جەتىلدىرۋگە قاتىستى ءبىرقاتار ۇسىنىستار ايتىلدى.
مەملەكەت باسشىسى ق ر پرەزيدەنتىنىڭ جانىنداعى ۇلتتىق قۇرىلتايدىڭ مۇشەلەرى سەرىك اقىلباي مەن سەرگەي حۋدياكوۆتى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ.
كەزدەسۋدە پرەزيدەنت «قازاقستان زاڭگەرلەر وداعى» رەسپۋبليكالىق قوعامدىق بىرلەستىگىنىڭ ءتوراعاسى سەرىك اقىلبايمەن وتاندىق قۇقىق جۇيەسىن دامىتۋدىڭ كەيبىر اسپەكتىلەرىن تالقىلادى.
ۇلتتىق قۇرىلتاي مۇشەسى مەملەكەت باسشىسىنا ەلىمىزدەگى رەفورمالار اياسىندا ازاماتتاردىڭ قۇقىقتىق ساۋاتىن ارتتىرۋ تۋرالى ۇسىنىستارىن جەتكىزدى.
سونىمەن قاتار قاسىم-جومارت توقايەۆ ۇلتتىق قۇرىلتايدىڭ مۇشەسى، سولتۇستىك قازاقستان وبلىسى قوعامدىق كەڭەسىنىڭ وكىلى، «جەرگىلىكتى ءوزىن-وزى باسقارۋدى دامىتۋ ينستيتۋتى» جەكە مەكەمەسىنىڭ ديرەكتورى سەرگەي حۋدياكوۆتى قابىلدادى.
جۇزدەسۋدە تۇرعىن ءۇي ساياساتى مەن جەرگىلىكتى ءوزىن-وزى باسقارۋ جۇيەسىن ودان ءارى جەتىلدىرۋگە قاتىستى ءبىرقاتار ۇسىنىستار ايتىلدى. سونىمەن قاتار سەرگەي حۋدياكوۆ قوعامدىق بىرلىكتى نىعايتۋ جونىندە كوزقاراسىن ءبىلدىردى.