پرەزيدەنت قاسىم-جومارت توقايەۆ قۇرىلىس كودەكسى مەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساۋلەت، قالا قۇرىلىسى جانە قۇرىلىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى، دەپ حابارلايدى اqshamnews.kz ءتىلشىسى.
ەكى قۇجاتتىڭ دا ءماتىنى باسپاسوزدە جاريالانادى.
ەستەرىڭىزگە سالايىق، پارلامەنت 29 جەلتوقسان كۇنى قۇرىلىس كودەكسىن قابىلداپ، پرەزيدەنتتىڭ قاراۋىنا جولداعان. جاڭا كودەكس پەن وعان ىلەسپە زاڭ اياسىندا قۇرىلىس نارىعى سۋبەكتىلەرىنىڭ ءرولىن سارالاۋ جانە ناقتىلاۋ، وتاندىق عىلىمدى قولداۋ جانە قۇرىلىس تۋرالى شەشىمدەر قابىلداۋ كەزىندە جۇرتشىلىقتىڭ قاتىسۋى كوزدەلگەن. سونداي-اق مەملەكەتتىك باقىلاۋ جونىندەگى شارالار كۇشەيتىلدى، بۇل ساپالى قالا قۇرىلىسىن جوسپارلاۋ مەن قۇرىلىستى قامتاماسىز ەتەدى.
سونداي-اق سەيسميكالىق ءقاۋىپتى اۋماقتارداعى قۇرىلىس تالاپتارى كۇشەيتىلىپ، قالا قۇرىلىسىن جوسپارلاۋ كەزىندە سەيسميكالىق ميكروايماقتاۋ كارتالارىن مىندەتتى ەسەپكە الۋ ءتارتىبى ەنگىزىلەدى. قۇرىلىس كودەكسى قاجەتتى ينجەنەرلىك ىزدەنىم جۇمىسىن جۇرگىزبەي تۇرىپ جوبالىق قۇجاتتامانى دايىنداۋعا جانە نىسانداردى سالۋعا تىيىم سالادى. ەگەر قۇرىلىستىڭ تىعىزدىعى، عيماراتتاردىڭ بيىكتىگى نەمەسە الەۋمەتتىك ينفراقۇرىلىممەن قامتاماسىز ەتۋ نورمالارى بۇزىلسا، ەگجەي-تەگجەيلى جوسپارلاۋ جوباسىنا وزگەرىس ەنگىزۋگە بولمايدى.
جاڭا قۇرىلىس كودەكسىندە سيفرلاندىرۋ ماسەلەلەرىنە دە ەرەكشە نازار اۋدارىلعان.