پرەزيدەنت توقايەۆ قازاقستاندىقتاردى ناۋرىز مەيرامىمەن قۇتتىقتادى

مەملەكەت باسشىسى كەلىسىم مەن تاتۋلىق بولسا، ەلىمىز كوزدەگەن ماقساتىنا جەتەتىندىگىن باسا ايتتى.

مەملەكەت باسشىسى قاسىم-جومارت توقايەۆ قازاقستاندىقتاردى ناۋرىز مەيرامىمەن جانە رامازان ايىنىڭ باستالۋىمەن قۇتتىقتادى، دەپ حابارلايدى اlmaty-akshamy.kz.

«ءبىز جاستارىمىزعا قامقور بولىپ، ولارعا بارىنشا جاعداي جاسايمىز. مەن جاستارعا سەنەمىن! ولارعا زور ءۇمىت ارتامىن! ەل بولاشاعى – وسكەلەڭ ۇرپاقتىڭ قولىندا. ەندەشە، تۋعان ەلىمىزدى بىرگە دامىتايىق، اعايىن! «بىرلىك ءتۇبى – بەرەكە» دەيدى حالقىمىز»، - دەدى پرەزيدەنت ەلورداداعى «تاۋەلسىزدىكتىڭ 25 جىلدىعى» مونۋمەنتى جانىنداعى الاڭدا ءوتىپ جاتقان ناۋرىز مەيرامىنا ارنالعان مەرەكەلىك ءىس-شارا بارىسىندا.

مەملەكەت باسشىسى قوعامدا كەلىسىم جانە تاتۋلىق بولسا، ەلىمىز كوزدەگەن ماقساتىنا جەتەتىندىگىن باسا ايتتى.

«ءبىزدىڭ ماقساتىمىز – ايقىن. بۇل – ادىلەتتى قازاقستاندى قۇرۋ. وسى جولدا ءبارىمىز ءبىر كىسىدەي جۇمىلايىق، ارداقتى اعايىن! بيىل قاسيەتتى رامازان ايى ۇلىستىڭ ۇلى كۇنىمەن قاتار كەلدى. ورازا ۇستايتىن جاماعاتتىڭ نيەتى قابىل بولسىن! ءار شاڭىراققا قىدىر قونىپ، ب ا ق دارىسىن! جاڭا جىل قۇت-بەرەكە اكەلسىن! ۇلىس وڭ بولسىن! اق مول بولسىن!» - دەدى قاسىم-جومارت توقايەۆ.