ول قالا اكىمى ەربولات دوسايەۆقا ءبىرقاتار تاپسىرما بەردى.
بيىل ناۋرىزدا مەملەكەت باسشىسى قاسىم-جومارت توقايەۆ الماتىعا كەلەدى، دەپ حابارلايدى Almaty-akshamy.kz Inbusiness.kz سىلتەمە جاساپ.
«الماتى - ەرەكشە قالا، وندا الەۋمەتتىك ماسەلەلەردى شەشۋگە باسا نازار اۋدارۋ كەرەك. ناعىز الماتىلىق رۋحتى وياتىپ، تۇرعىندارعا كوتەرىڭكى كوڭىل-كۇي سىيلاۋ كەرەك»، - دەدى پرەزيدەنت.
قاسىم-جومارت توقايەۆ ناۋرىزدا الماتىعا جۇمىس ساپارىمەن كەلگەندە، ونداعى وزەكتى ماسەلەلەر تالقىعا سالىناتىنىن اتاپ ءوتتى.
«شەشىمىن تاپپاعان ماسەلەلەر بار. ونىمەن باقىتجان ساعىنتايەۆ اينالىستى. ءبىر ماسەلەدە العا جىلجۋ بولسا، ەكىنشىسىندە ءتۇرلى سەبەپتەرگە بايلانىستى ۇلگەرمەدى، شەشىمىن تاپپادى. قالاي بولسا دا باعىت دۇرىس، ءدال وسى باعىتتا قوزعالۋ كەرەك. الماتى حالقىمەن تىعىز جۇمىس ىستەۋ قاجەت دەپ ويلايمىن. تاعى دا قايتالايمىن، ءبىز جۇمىس ساپارىندا داۋلى ماسەلەلەردى تالقىلاۋىمىز شارت»، - دەدى مەملەكەت باسشىسى.