بىرلەسكەن جوبالارعا قاتىستى جوسپاردىڭ جۇزەگە اسىرىلۋ بارىسى تۋرالى ەسەپ بەرىلدى.
مەملەكەت باسشىسى قاسىم-جومارت توقايەۆ «لۋكويل» مۇناي كومپانياسىنىڭ پرەزيدەنتى ۆاگيت الەكپەروۆتى قابىلدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قاسىم-جومارت توقايەۆقا مۇناي كومپانياسىنىڭ قازاقستانداعى اتقارىپ جاتقان جۇمىستارىنىڭ قورىتىندىلارى جانە كومىرسۋتەگى سەكتورىنداعى ءبىرقاتار بىرلەسكەن جوبالارعا قاتىستى جوسپاردىڭ جۇزەگە اسىرىلۋ بارىسى تۋرالى ەسەپ بەرىلدى.
ۆاگيت الەكپەروۆ قازاقستان پرەزيدەنتىنە «قازمۇنايگاز» ۇلتتىق كومپانياسى مەن «لۋكويل» جاريا اكسيونەرلىك قوعامى اراسىنداعى كاسپيي تەڭىزىنىڭ قازاقستاندىق بولىگىن يگەرۋ جونىندەگى جوبالار بويىنشا ىنتىماقتاستىقتىڭ قارقىندى دامىپ كەلە جاتقانىن ايتتى. «جەڭىس» جانە «ءال-فارابي» جوبالارى اياسىنداعى جەر قويناۋىن پايدالانۋعا قاتىستى كەلىسىمشارتتار جاسالىپ، جۇمىستار باستالدى. سونداي-اق «لۋكويل» مۇناي كومپانياسى – «قالامقاس-تەڭىز» بەن «حازار-تەڭىز» كەن ورىندارىن يگەرۋ جونىندەگى ستراتەگيالىق سەرىكتەس.
مەملەكەت باسشىسى قوسالقى مەردىگەرلىك جۇمىستاردى جۇزەگە اسىرۋعا قازاقستاندىق كومپانيالار مەن جەرگىلىكتى ەڭبەك رەسۋرستارىن بارىنشا تارتۋ ماڭىزدى ەكەنىن اتاپ ءوتتى.
