بارشا وتانداستارىنا ريزاشىلىعىن ءبىلدىردى.
ق ر پرەزيدەنتى قاسىم-جومارت توقايەۆ العىس ايتۋ كۇنىمەن قۇتتىقتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قۇرمەتتى، پارتيالاستار! ەڭ الدىمەن بارشاڭىزدى بۇگىنگى العىس ايتۋ كۇنىمەن قۇتتىقتايمىن. بۇل - ءوزارا تىلەكتەستىكتى، جاناشىرلىقتى قامقورلىقتى دارىپتەيتىن مەيرام. ءبىز وسىنداي ىنتىماقتىڭ ارقاسىندا قاڭتارداعى قيىن-قىستاۋ كۇندەردە مەملەكەتتىگىمىز بەن تۇتاستىعىمىزدى قورعاپ قالدىق. سىن ساعاتتا بىرلىگىن ساقتاي بىلگەن بارشا وتانداستارىمىزعا زور ريزاشىلىعىمدى بىلدىرەمىن»، - دەدى مەملەكەت باسشىسى Nur Otan پارتياسىنىڭ كەزەكتەن تىس سەزىندە.
ق ر پرەزيدەنتى ۇيىمدى جاڭعىرتۋ تۋرالى القالى جيىننىڭ ءدال بۇگىن ءوتۋىنىڭ سيمۆولدىق ءمانى بار ەكەندىگىن اتاپ ءوتتى.
«1 ناۋرىز - پارتيانىڭ قۇرىلعان كۇنى. 23 جىل بۇرىن ەلىمىزدەگى ەڭ باستى ساياسي ۇيىمنىڭ نەگىزى قالاندى. پارتيا حالىقتى ورتاق ماقساتقا جۇمىلدىردى. قوعامعا پايدالى كوپتەگەن باستاما كوتەرىپ، سايلاۋشىلاردىڭ قولداۋىنا يە بولدى»، - دەدى قاسىم-جومارت توقايەۆ.