قازاقستان اۋماعى ارقىلى ترانزيتتىك تاسىمالدار كولەمى 25،81 ملن تونناعا جەتتى، دەپ حابارلايدى aqshamnews.kz
مەملەكەت باسشىسى قاسىم-جومارت توقايەۆتىڭ كولىك ينفراقۇرىلىمىن جاڭعىرتۋ جانە ەلىمىزدىڭ ترانزيتتىك الەۋەتىن دامىتۋ جونىندەگى تاپسىرمالارىن جۇزەگە اسىرۋ شەڭبەرىندە لوگيستيكا جۇيەسىنىڭ تيىمدىلىگىن ارتتىرۋعا، وڭىرلەردەگى كولىك بايلانىسىن جاقسارتۋعا جانە ورنىقتى ەكونوميكالىق ءوسىم ءۇشىن جاعداي جاساۋعا باعىتتالعان شارالار كەشەنى جۇزەگە اسىرىلۋدا.
2025 جىلدىڭ سەگىز ايىندا قازاقستان اۋماعى ارقىلى ترانزيتتىك تاسىمالدار كولەمى 25،81 ملن تونناعا جەتتى، بۇل وتكەن جىلدىڭ سايكەس كەزەڭىندەگى كورسەتكىشتەن 3،2%-عا ارتىق. تۇراقتى ءوسىم ەلىمىزدىڭ ترانزيتتىك الەۋەتىن نىعايتۋ جانە حالىقارالىق كولىك دالىزدەرىنىڭ نەگىزگى باعىتتارىن دامىتۋ بويىنشا قابىلدانىپ جاتقان شارالاردىڭ تيىمدىلىگىن كورسەتەدى.