پرەزيدەنت «ستراتەگيا» الەۋمەتتىك جانە ساياسي زەرتتەۋلەر ورتالىعى» قوعامدىق قورىنىڭ باسشىسى گۇلميرا يلەۋوۆانى قابىلدادى، دەپ حابارلايدى اlmaty-akshamy.kz.
ۇلتتىق قۇرىلتاي مۇشەسى، الەۋمەتتانۋشى گۇلميرا يلەۋوۆامەن كەزدەسۋ بارىسىندا قوعامداعى وزەكتى ماسەلەلەر تالقىلاندى.
كەزدەسۋدە ۇلتتىق قۇرىلتايدىڭ ءۇشىنشى وتىرىسىندا كوتەرىلگەن ماسەلەلەر قاراستىرىلدى. اتاپ ايتقاندا، جاستار اراسىندا قۇندىلىقتاردى ناسيحاتتاۋ، سونىڭ ىشىندە ەڭبەكسۇيگىشتىك، تەحنيكالىق ماماندىقتاردى دارىپتەۋ تۋرالى ايتىلدى. سونىمەن قاتار قازاقستاندى وركەندەتۋگە ۇلەس قوساتىن ۇلتتىق بۋرجۋازيانى قالىپتاستىرۋدىڭ وزەكتىلىگىنە، ۇلتتىڭ باسەكەگە قابىلەتىن ارتتىرۋ ءۇشىن ءبىلىم كۋلتىن نىعايتۋعا، يننوۆاسيالىق ويلاۋ جۇيەسىن دامىتۋعا، «قۇقىقتىق ءتارتىپ»، «الەۋمەتتىك ادىلەتتىلىك» قاعيداتتارىنا باسىمدىق بەرىلەتىن قوعامدىق قاتىناستاردى ىلگەرىلەتۋگە نازار اۋدارىلدى.
گۇلميرا يلەۋوۆا قوعامدا كەڭىنەن تالقىلانىپ جاتقان مەملەكەتتىك رامىزدەرگە قاتىستى پىكىرىن ءبىلدىرىپ، ەلتاڭباعا جانە مەملەكەتتىك ورگاندار مەن ۇكىمەتتىك ەمەس ۇيىمداردىڭ قارىم-قاتىناسىنا بايلانىستى ۇسىنىستارىن جەتكىزدى.