بۇدان بۇرىن قوعام قايراتكەرى سەيداحمەت قۇتتىقادامنىڭ دۇنيەدەن وتكەنىن حابارلاعانبىز.
مەملەكەت باسشىسى قوعام قايراتكەرى سەيداحمەت قۇتتىقادامنىڭ وتباسىنا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
پرەزيدەنت قاسىم-جومارت توقايەۆ بەلگىلى جۋرناليست، عالىم، قوعام قايراتكەرى سەيداحمەت قۇتتىقادامنىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتتى.
«سەيداحمەت رىسقوجا ۇلى ۇزاق جىلدار ۇلتتىق عىلىمنىڭ، وتاندىق جۋرناليستيكانىڭ دامۋىنا ەلەۋلى ۇلەس قوسىپ، ۇلاعاتتى ۇرپاق تاربيەلەدى. اينالاسىنا سىيلى ازاماتتىق بولمىسىمەن بارشانىڭ زور قۇرمەتىنە بولەنگەن سەيداحمەت رىسقوجا ۇلىنىڭ جارقىن بەينەسى ونى بىلەتىن جۇرتشىلىقتىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن»، -دەپ جازىلعان جەدەلحاتتا.