مەملەكەت باسشىسى قاسىم-جومارت توقايەۆ قوس كيەنىڭ ساقشىسى، كورول سالمان بەن ابدەلازيز ءال ساۋدتى قازاقستان رەسپۋبليكاسى مەن ساۋد ارابياسى كورولدىگى اراسىنداعى ديپلوماتيالىق قارىم-قاتىناستاردىڭ 30 جىلدىق مەرەيتويىمەن قۇتتىقتادى، دەپ حابارلايدى اlmaty-akshamy.kz.
– تاريحي تۇرعىدان وسىنداي قىسقا مەرزىم ىشىندە ءداستۇرلى دوستىققا نەگىزدەلگەن ىقپالداستىعىمىز قارقىندى دامىپ، بەرىك ءارى سەنىمدى ارىپتەستىككە اينالعانىن ەرەكشە اتاپ وتەمىن. بۇگىندە ساۋد ارابياسى – قازاقستاننىڭ تاياۋ شىعىس وڭىرىندە عانا ەمەس، اراب الەمىندەگى باستى ساياسي سەرىكتەستەرىنىڭ ءبىرى. بۇعان قوسا، ەلدەرىمىز حالىقارالىق جانە وڭىرلىك فورمات الاڭدارىندا بىرلەسە بەلسەندى جۇمىس جۇرگىزىپ كەلەدى. وسى رەتتە بولاشاقتا قازاق-ساۋد ىنتىماقتاستىعى وركەندەي بەرەتىنىنە سەنىمدىمىن. ءوز تاراپىمنان، حالىقتارىمىزدىڭ يگىلىگى جولىندا ەلىڭىزبەن جان-جاقتى قارىم-قاتىناسىمىزدى ودان ءارى تەرەڭدەتۋدە سىزبەن بىرلەسە كۇش-جىگەر جۇمىلدىرۋعا ءاردايىم دايىنمىن، – دەپ جازىلعان جەدەلحاتتا.
پرەزيدەنت ساۋد ارابياسىنىڭ كورولىنە مول باقىت جانە ۇزاق عۇمىر، ال باۋىرلاس ساۋد حالقىنا قۇت-بەرەكە تىلەدى.