مەملەكەت باسشىسى قاسىم-جومارت توقايەۆ قاتار مەملەكەتىنىڭ ءامىرى شەيح ءتاميم بەن حاماد ءال تانيگە قۇتتىقتاۋ جەدەلحاتىن جولدادى
قاسىم-جومارت توقايەۆ شەيح ءتاميم بەن حاماد ءال تانيگە قاتار مەملەكەتى كونسۋلتاتيۆتىك كەڭەسىنىڭ مۇشەلەرىن سايلاۋدىڭ تابىستى وتۋىنە وراي قۇتتىقتاۋ جەدەلحاتىن جولدادى، دەپ حابارلايدى Almaty-akshamy.kz. اkorda.kz-كە سىلتەمە جاساپ.
«ەل تاريحىندا العاش رەت ۇيىمداستىرىلعان بۇل ساياسي دەموكراتيالىق شارا - قاتاردىڭ ەركىن ازاماتتىق قوعام مەن زايىرلى مەملەكەت قالىپتاستىرۋ جولىنداعى جەتىستىكتەرىنىڭ ايقىن كورىنىسى. وسى تۇرعىدا ەلىڭىزدەگى ادام قۇقىقتارىن قورعاۋ مەن بوستاندىقتى ىلگەرىلەتۋگە قاتىستى ءسىزدىڭ باستامالارىڭىزدىڭ بولاشاقتا دا جەمىستى جۇزەگە اسا بەرۋىنە تىلەكتەسپىن. وسى رەتتە شىعاناق وڭىرىندەگى قازاقستاننىڭ باستى سەرىكتەستەرىنىڭ ءبىرى قاتارمەن تىعىز بايلانىستارىمىزدىڭ جىلدان جىلعا اۋقىمى ۇلعايىپ، ىقپالداستىعىمىزدىڭ ءورىسى كەڭەيىپ كەلە جاتقانىن زور ريزاشىلىقپەن اتاپ وتەمىن. بىرلەسكەن كۇش-جىگەرىمىز الەۋەتى جوعارى قارىم-قاتىناستارىمىزدى حالىقتارىمىزدىڭ يگىلىگى ءۇشىن ودان ءارى دامىتا تۇسەتىنىنە كامىل سەنىمدىمىن»، – دەپ جازىلعان جەدەلحاتتا.