پرەزيدەنت قاسىم-جومارت توقايەۆ AMANAT پارتياسىنان شىعۋ جونىندە شەشىم قابىلدادى
بۇل تۋرالى مەملەكەت باسشىسى پارتيا سەزىندە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«مەن بۇعان دەيىن پارتيا ءتوراعاسى لاۋازىمىنان بوساپ، ۇيىم قاتارىنان شىعاتىنىمدى ايتتىم. وسى ۇيعارىمدى جۇزەگە اسىراتىن كەز كەلدى. بۇگىننەن باستاپ AMANAT پارتياسىنىڭ ءتوراعاسى رەتىندە وكىلەتتىگىمدى توقتاتىپ، پارتيادان شىعۋ تۋرالى شەشىم قابىلدادىم. بۇل قادامنىڭ سيمۆولدىق ءمانى بار. وسى ورايدا پرەزيدەنت سايلاۋىندا ماعان سەنىم ارتىپ، قولداعاندارىڭىز ءۇشىن بارشاڭىزعا العىسىمدى ايتقىم كەلەدى. سونداي-اق پارتيا تىزگىنىن سەنىپ تاپسىرعاندارىڭىز ءۇشىن ريزاشىلىعىمدى بىلدىرەمىن»، - دەدى مەملەكەت باسشىسى.
بۇدان بۇرىن حابارلانعانداي، سەزد بارىسىندا ADAL ساياسي پارتياسىنىڭ AMANAT پارتياسىنا قوسىلۋ ماسەلەسى قارالدى.
پرەزيدەنت AMANAT پارتياسىنىڭ ءتوراعالىعىنا ەرلان قوشانوۆتى ۇسىندى.