مەملەكەت باسشىسى سولتۇستىك قازاقستان وبلىسىنا جۇمىس ساپارى اياسىندا «ريمقازاگرو» ءجشس-نىڭ قاعاز ونىمدەرىن شىعاراتىن فابريكانىڭ جۇمىسىمەن تانىستى.
ءوندىرىس ورنىن ارالاپ كورگەن قاسىم-جومارت توقايەۆقا فابريكا جۇمىسىنىڭ العاشقى ناتيجەسى تۋرالى باياندالدى. «قاراپايىم زاتتار ەكونوميكاسى» باعدارلاماسى اياسىندا جوبانى سۋبسيديالاۋعا قارجى بولىنگەن، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
ايتا كەتسەك، قاعاز ونىمدەرى فابريكاسى – كوپسالالى «رادۋگا» كومپانياسىنا قاراستى كاسىپورىنداردىڭ ءبىرى عانا. قازىرگى كەزدە ءوڭىر حالقىن جىل ون ەكى اي كوكونىس ونىمدەرىمەن قامتاماسىز ەتۋ ءۇشىن جىلىجاي قۇرىلىسى ءجۇرىپ جاتىر.
پرەزيدەنت ەلىمىزدە «قاراپايىم زاتتار ەكونوميكاسىن» دامىتۋعا جانە حالىق تۇتىناتىن تاۋارلار تۇرلەرىن كەڭەيتۋگە ەرەكشە ءمان بەرىلەتىنىن اتاپ ءوتىپ، كاسىپورىن باسشىلىعىنا ساتتىلىك تىلەدى.