مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا جىل اياعىندا قايدا باراتىنىن ايتتى، - دەپ حابارلايدى اqshamnews.kz ءتىلشىسى.
"مەنىڭ تۇركياعا جانە قىرعىزستانعا ساپارلارىم دا ءساتتى بولدى. وسى جىلدىڭ سوڭىنا قاراي مەن رەسەيگە جانە وزبەكستانعا بارامىن. استانادا ازەربايجان، ارمەنيا، تۇرىكمەنستان باسشىلارىن قارسى الۋعا دايىندالىپ جاتىرمىز. سونداي-اق ازيانىڭ، ەۋروپانىڭ، افريكانىڭ ءبىرقاتار مەملەكەت باسشىلارىمەن كەزدەسىپ، كەلىسسوز جۇرگىزۋ جوسپارلانعان"، - دەدى پرەزيدەنت.
پرەزيدەنت مالىمەتىنشە، ەكىنشى دۇنيەجۇزىلىك سوعىستىڭ باستى ينستيتۋسيونالدىق قورىتىندىسى سانالاتىن بىرىككەن ۇلتتار ۇيىمىنىڭ 80 جىلدىعى.
بىرىككەن ۇلتتار ۇيىمىنا ءالى كۇنگە دەيىن ەش بالاما جوق. قازاقستان ونى كوكەيكەستى حالىقارالىق ماسەلەنىڭ ءبارىن ءادىل شەشۋ جولىنداعى نەگىزگى كەلىسسوز ورنى بولا بەرۋگە ءتيىس دەپ سانايدى.
دەگەنمەن بىرىككەن ۇلتتار ۇيىمىن، اسىرەسە، ونىڭ ەڭ باستى ورگانى – قاۋىپسىزدىك كەڭەسىن رەفورمالايتىن كەز كەلدى.
"مەن جاقىندا نيۋ-يورك قالاسىندا بىرىككەن ۇلتتار ۇيىمى باس اسسامبلەياسىنىڭ مەرەيتويلىق سەسسياسىندا ءسوز سويلەيمىن. باسقوسۋدا حالىقارالىق احۋالعا، سونىڭ ىشىندە بىرىككەن ۇلتتار ۇيىمىن رەفورمالاۋعا قاتىستى قازاقستاننىڭ كوزقاراسىن بىلدىرمەكپىن".