جوسپار جولداۋدىڭ نەگىزگى باعىتتارى مەن باستامالارى بويىنشا 102 تارماقتان تۇرادى.
قازاقستان ۇكىمەتى ءوز وتىرىسىندا پرەزيدەنت قاسىم-جومارت توقايەۆتىڭ جولداۋىن ىسكە اسىرۋ جالپىۇلتتىق جوسپارى قابىلداندى، دەپ حابارلايدى Almaty-akshamy.kz Primeminister.kz سىلتەمە جاساپ.
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ق ر پرەزيدەنتى قاسىم-جومارت توقايەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارى قارالدى.
ۇلتتىق ەكونوميكا ءمينيسترى اسەت ەرعالييەۆ ۇسىنعان جالپىۇلتتىق جوسپار ق ر پرەزيدەنتىنىڭ نەگىزگى باعىتتارى مەن باستامالارى بويىنشا 102 تارماقتان تۇرادى.
پرەمەر-مينيستر مەملەكەت باسشىسى قاسىم-جومارت توقايەۆ قازاقستان حالقىنا ارناعان جولداۋىندا جۇرگىزىلىپ جاتقان مەملەكەتتىك جانە ەكونوميكالىق ساياساتتىڭ جاڭا مىندەتتەرىن اتاپ كورسەتكەنىن ايتتى.
ۇكىمەت پاندەميادان كەيىنگى كەزەڭدە ەكونوميكانىڭ ورنىقتى ءارى ساپالى ءوسۋىن قامتاماسىز ەتۋ، دەنساۋلىق ساقتاۋ، ءبىلىم بەرۋ، مادەنيەت سالالارىن جەتىلدىرۋ، وڭىرلەردى كەشەندى دامىتۋ، ەڭبەك نارىعىنىڭ ءتيىمدى ەكوجۇيەسىن قۇرۋ بويىنشا بەلسەندى شارالار قابىلدايدى.
«ۇكىمەت جۇمىسىنىڭ ماڭىزدى باعىتى – مەملەكەت باسشىسىنىڭ ازاماتتاردىڭ الەۋمەتتىك ءال-اۋقاتىن ارتتىرۋ جونىندەگى باستامالارىن ىسكە اسىرۋ. جالاقىنى كوتەرۋ، جەكە سەكتوردىڭ ۇلەسىن ۇلعايتۋ، سالىقتىق جۇكتەمەنى ازايتۋ ارقىلى حالىقتىڭ ناقتى كىرىستەرىنىڭ ءوسۋىن قامتاماسىز ەتۋگە ەرەكشە نازار اۋدارىلاتىن بولادى»،– دەدى اسقار مامين.
ۇكىمەت باسشىسى مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارى العا قويىلعان مىندەتتەرگە تولىقتاي ساي ەكەنىن اتاپ ءوتتى.
اسقار مامين ورتالىق جانە جەرگىلىكتى اتقارۋشى ورگانداردىڭ ءبىرىنشى باسشىلارىنا جوسپار ءىس-شارالارىنىڭ ساپالى ءارى ۋاقىتىلى ورىندالۋىن قامتاماسىز ەتۋ بويىنشا دەربەس جاۋاپكەرشىلىك جۇكتەلەتىنىن اتاپ ءوتتى.
