جەلىلەر مەن قۋاتتاردىڭ توزۋ كورسەتكىشىن كەمىندە 15%-عا دەيىن تومەندەتۋ كەرەك
مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا تاريفتەردى قولدان تەجەۋدىڭ ورنىنا جاڭا تاريفتىك ساياسات ەنگىزۋدى ۇسىندى، دەپ حابارلايدى اlmaty-akshamy.kz.
«ەلىمىزدە ەلەكترمەن جابدىقتاۋ جەلىسىنىڭ ۇشتەن ءبىرىنىڭ، جىلۋ كوممۋنيكاسياسىنىڭ 57%-ىنىڭ جانە سۋ قۇبىرى جەلىسىنىڭ جارتىسىنا جۋىعىنىڭ توزىعى جەتكەن. بۇل سانداردىڭ ءوزى-اق ناقتى احۋالدى كورسەتىپ تۇر»، - دەگەن پرەزيدەنت تاريفتەردى قولدان تەجەۋ اۋىق-اۋىق ىركىلىستەرگە، اۆاريالارعا سوقتىرىپ، سونىڭ كەسىرىنەن ازاماتتاردىڭ ءومىرى مەن دەنساۋلىعىنا ءقاۋىپ تۋۋى مۇمكىن ەكەنىن ەسكە سالدى.
«مونوپوليالى نارىقتاردا «ينۆەستيسيانىڭ ورنىنا تاريف» اتتى جاڭا تاريفتىك ساياساتقا كوشۋ قاجەت. جەلىلەر مەن قۋاتتاردىڭ توزۋ كورسەتكىشىن كەمىندە 15%-عا دەيىن تومەندەتۋ كەرەك»، - دەدى مەملەكەت باسشىسى.