ۇلتتىق بانك ينفلياسيا ماسەلەلەرىن شەشۋگە تولىق قاتىسۋى كەرەك. بۇل تۋرالى ەلدىڭ الەۋمەتتىك-ەكونوميكالىق ماسەلەلەرى جونىندەگى كەڭەيتىلگەن كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
پرەزيدەنت قازاقستانداعى ينفلياسيانىڭ مونەتارلىق سيپاتى دا بار ەكەنىن ەرەكشە اتاپ ءوتتى.
«سوندىقتان ۇلتتىق بانك ينفلياسيا ماسەلەلەرىن شەشۋگە تولىق قاتىسۋى كەرەك. ينفلياسيانى باقىلاۋ مىندەتى ۇلتتىق بانك پەن ۇكىمەتتىڭ باستى باسىمدىعى سانالادى. وسى ورايدا جاقسى ۇيلەستىرىلگەن جانە كاسىبي دەڭگەيدە جوسپارلانعان جۇمىستى كۇتەمىن»، – دەدى قاسىم-جومارت توقايەۆ.