پرەزيدەنت حIV KazEnergy ەۋرازيالىق فورۋمىنا قاتىسۋشىلارعا بەينەۇندەۋ جاسادى

مەملەكەت باسشىسى دۇنيەجۇزىلىك ەنەرگەتيكا اپتالىعى مەن حIV KazEnergy ەۋرازيالىق فورۋمى اياسىندا وتكەن «الەمدىك ەنەرگەتيكالىق تريلەمما 2021 – كومپونەنتتەر تەڭگەرىمى: ەنەرگەتيكالىق ايماقتار بويىنشا وزگەرىستەر ناۆيگاسياسى» اتتى جاھاندىق پلەنارلىق ماجىلىستە بەينەۇندەۋ جاسادى، دەپ حابارلايدى Almaty-akshamy.kz. اkorda.kz-كە سىلتەمە جاساپ.

پرەزيدەنت ورتالىق ازيا ايماعىندا العاش رەت وتكىزىلىپ وتىرعان دۇنيەجۇزىلىك ەنەرگەتيكا اپتالىعىنىڭ ۇيىمداستىرىلۋىن قولدادى.

«وسى اپتادا 90 ەلدىڭ باسشىلارى مەن بەدەلدى تۇلعالارى قازاقستاندا باس قوستى. گلازگودا وتەتىن كليماتتىڭ وزگەرۋى جونىندەگى سور26 كونفەرەنسياسىنىڭ قارساڭىندا قول جەتكىزىلگەن ناتيجەلەر مەن ورتاق بولاشاققا قاتىستى كوزقاراستارىمىزدى تالقىلاۋ ءۇشىن جينالدىق»، – دەدى قاسىم-جومارت توقايەۆ.

مەملەكەت باسشىسى وسى باعىتتاعى ۇلتتىق باسىمدىقتار مەن مىندەتتەمەلەر تۋرالى ايتا كەلىپ، قازاقستان كليماتتىڭ وزگەرۋىنە قارسى كۇرەس پەن پاريج كەلىسىمىنىڭ ماقساتتارى جولىنداعى جاھاندىق كۇش-جىگەردى تولىق قولدايتىنىن اتاپ ءوتتى.

سونىمەن قاتار پرەزيدەنت الەمنىڭ جاڭا دامۋ كەزەڭىنە  قادام باسقانى تۋرالى پىكىرىن ورتاعا سالدى. ونىڭ ايتۋىنشا، جاڭا تەحنولوگيالار قازبا وتىن تۇرلەرىنەن جاڭارتىلاتىن قۋات كوزدەرىنە، سۋتەگى مەن يادرولىق ەنەرگياعا كوشۋدى تالاپ ەتەدى.

«مەن ۇكىمەتكە 2030 جىلعا قاراي ەلەكتر ەنەرگياسىن وندىرۋدە جاڭارتىلاتىن جانە بالامالى ەنەرگيا كوزدەرىنىڭ ۇلەسىن 15 پايىزعا جەتكىزۋدى تاپسىردىم. قازىرگى تاڭدا 2000 مۆت-قا جۋىق جاڭارتىلاتىن قۋات كوزدەرى پايدالانۋعا بەرىلدى. قازاقستاننىڭ كوزدەگەن ماقساتقا جەتۋ جولىنداعى باعىتى دۇرىس. الايدا، كومىرتەگى بەيتاراپتىعىنا قول جەتكىزۋ ءۇشىن تەك جاڭارتىلاتىن ەنەرگياعا يەك ارتۋ جەتكىلىكسىز»، – دەدى مەملەكەت باسشىسى.

قاسىم-جومارت توقايەۆ ءوزىنىڭ ۇستانعان ساياساتىنا سايكەس، ۇكىمەتتىڭ ەنەرگيا ءوندىرۋ، ەنەرگيانى ۇنەمدى پايدالانۋ، سيفرلاندىرۋ جانە تۇراقتى ەكونوميكالىق ءوسىم سياقتى نەگىزگى باعىتتاردى ىلگەرىلەتۋگە ىقپال ەتەتىن ءبىرقاتار ۇلتتىق جوبالاردى ازىرلەپ جاتقانىن اتاپ ءوتتى.

«بۇل جوبالار اسا ماڭىزدى، ويتكەنى ولار ميللياردتاعان ادامنىڭ بيزنەس جۇرگىزۋىنىڭ جانە كۇندەلىكتى ءومىرىنىڭ «جاڭا نورماسىنا» اينالادى»، – دەدى پرەزيدەنت.

مەملەكەت باسشىسى ءسوزىنىڭ سوڭىندا فورۋمنىڭ پىكىرتالاس پلاتفورماسىنىڭ بىرەگەيلىگىنە توقتالدى. وسى رەتتە اتالعان جيىن الەمنىڭ جاھاندىق ماقساتقا – كليماتتىڭ وزگەرۋىنە توسقاۋىل قويۋعا قول جەتكىزۋىنە سەپتىگىن تيگىزەتىن قازىرگى ۇردىستەردى، بولجامدار مەن جوسپارلاردى قاراستىرۋ ءۇشىن جەتەكشى ساراپشىلارعا جاقسى مۇمكىندىك بەرەتىنىن جەتكىزدى.