مەملەكەت باسشىسى ولاف ءشولستى سايلانۋىمەن قۇتتىقتادى
قازاقستان پرەزيدەنتى قاسىم-جومارت توقايەۆ بارشا قازاقستاندىقتىڭ جانە جەكە ءوزىنىڭ اتىنان ولاف ءشولستى گەرمانيا فەدەراتيۆتىك رەسپۋبليكاسىنىڭ فەدەرالدىق كانسلەرى قىزمەتىنە كىرىسۋىمەن شىن جۇرەكتەن قۇتتىقتادى، دەپ حابارلايدى Almaty-akshamy.kz اkorda.kz-كە سىلتەمە جاساپ
«بۇل تاريحي وقيعا – حالقىڭىزدىڭ سىزگە جانە ءوزىڭىز باسقارىپ وتىرعان كواليسياعا ەلىڭىزدىڭ ساياسي-ەكونوميكالىق وركەندەۋىن جالعاستىرۋعا، سونداي-اق ونىڭ حالىقارالىق دەڭگەيدەگى ۇلتتىق مۇددەلەرىن ىلگەرىلەتۋگە باعىتتالعان ماڭىزدى جوسپارلارىڭىزعا ارتقان سەنىمىنىڭ ايقىن دالەلى. وسى تۇستا ءسىزدىڭ قاجىرلى ەڭبەگىڭىز وتانىڭىزدى بۇگىنگىدەن دە بيىك بەلەستەر مەن جاڭا تابىستارعا جەتەلەي بەرۋىنە تىلەكتەستىگىمدى بىلدىرەمىن»، – دەلىنگەن قۇتتىقتاۋ حاتتا.
مەملەكەت باسشىسى گەرمانيانى قازاقستاننىڭ ەۋروپالىق وداقتاعى باستى سەرىكتەسى دەپ سانايتىنىن جانە ەكى ەل اراسىنداعى قارقىندى دامىپ كەلە جاتقان ستراتەگيالىق ىنتىماقتاستىقتى نىعايتۋعا ەرەكشە ءمان بەرەتىنىن اتاپ وتكەن.
«قازاق-گەرمان جانە ورتالىق ازيا – ەۋروپالىق وداق فورماتتارىنداعى سان قىرلى ىقپالداستىعىمىزدىڭ مازمۇنىن ودان ءارى بايىتۋ ماقساتىندا سىزبەن قويان-قولتىق جۇمىس ىستەۋگە دايىن ەكەنىمدى راستايمىن. ورايلى مۇمكىندىكتى پايدالانىپ، ءوزارا ىڭعايلى ۋاقىتتا ءسىزدى قازاقستانعا رەسمي ساپارمەن كەلۋگە شاقىرامىن»، – دەپ جازىلعان پرەزيدەنتتىڭ جەدەلحاتىندا.
قاسىم-جومارت توقايەۆ ولاف ءشولستىڭ يگى باستامالارىنا ساتتىلىك، وتباسىنا باياندى باقىت، ال دوستاس گەرمان حالقىنا مول ىرىس پەن قۇت-بەرەكە تىلەگەن.