پرەزيدەنت ەلىمىزدەگى سۋ تاسقىنىنا بايلانىستى شۇعىل كەڭەس وتكىزدى
قاسىم-جومارت توقايەۆ ەلىمىزدىڭ ءبىرقاتار وڭىرىندە بولعان سۋ تاسقىنى سالدارىنان تۋىنداعان توتەنشە جاعدايعا بايلانىستى شۇعىل كەڭەس وتكىزدى، دەپ حابارلايدى almaty-akshamy.kz
مەملەكەت باسشىسى ۇكىمەت پەن اكىمدەردىڭ جۇمىسىن نەمقۇرايلى جانە كاسىبي مىندەتىنە سايكەس كەلمەيدى دەپ سىنعا الدى. ونىڭ ايتۋىنشا، ۇكىمەت پەن جەرگىلىكتى اتقارۋشى ورگانداردىڭ اراسىندا جۇيەلى بايلانىس بولماعان. قاسىم-جومارت توقايەۆ زارداپ شەككەن وڭىرلەر تۇرعىندارىنا ۇلكەن كولەمدە شىعىن كەلۋىنە بايلانىستى وكىنىش ءبىلدىردى. مەملەكەت باسشىسى قالىپتاسقان جاعدايعا بايلانىستى كەشىرىم سۇراپ، بارلىق ازاماتقا كومەك كورسەتىلەتىنىن ايتتى.
جيىن بارىسىندا پرەزيدەنت سۋ تاسقىنىنا قارسى ۋاقىتىلى شارا قابىلداماعانى ءۇشىن پرەمەر-مينيستردىڭ ءبىرىنشى ورىنباسارى رومان سكليارعا، سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆكە قاتاڭ سوگىس، اقتوبە، قوستاناي، باتىس قازاقستان وبلىستارىنىڭ اكىمدەرىنە قاتاڭ سوگىس جانە قىزمەتتىك مىندەتتەرىنە تولىق ساي كەلمەۋىنە بايلانىستى ەسكەرتۋ بەردى. ال اتىراۋ، اقمولا، الماتى، پاۆلودار جانە اباي وبلىستارىنىڭ اكىمدەرىنە قاتاڭ سوگىس جاريالاندى.