پرەزيدەنت ءبىرقاتار قۇجاتتارعا قول قويدى

6 وڭىردەگى تج كۇشى جويىلدى 

مەملەكەت باسشىسى قاسىم-جومارت توقايەۆ ءبىرقاتار جاڭا قۇجاتتارعا قول قويدى، دەپ حابارلايدى Almaty-akshamy.kz

بۇل تۋرالى اقوردانىڭ باسپا ءسوز قىزمەتىنىڭ رەسمي سايتىندا جاريالاندى.

پرەزيدەنت قول قويدى:

• اسكەري بورىشىن اتقارۋ ۇستىندە كورسەتكەن باتىلدىعى مەن جانقيارلىعى، سونداي-اق مەملەكەت مۇددەسىن قورعاۋ كەزىندە جاساعان ەرلىگى ءۇشىن قازاقستان رەسپۋبليكاسىنىڭ قورعانىس مينيسترلىگى 32363 اسكەري ءبولىمى كومانديرىنىڭ ورىنباسارى (جاۋىنگەرلىك دايارلىق جونىندەگى) ساندىبەك عاليموللا ۇلى قايىروۆ ءىى دارەجەلى «ايبىن» وردەنىمەن ناگرادتالسىن (مارقۇم).

«توتەنشە جاعداي تۋرالى» قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:

• «قوستاناي وبلىسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 5 قاڭتارداعى № 743 جارلىعىمەن ەنگىزىلگەن قوستاناي وبلىسىنىڭ شەكارالارىنداعى توتەنشە جاعدايدىڭ كۇشى 2022 جىلعى 15 قاڭتارداعى 07 ساعات 00 مينۋتتان باستاپ جويىلسىن.


• «اقمولا وبلىسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 5 قاڭتارداعى № 737 جارلىعىمەن ەنگىزىلگەن اقمولا وبلىسىنىڭ شەكارالارىنداعى توتەنشە جاعدايدىڭ كۇشى 2022 جىلعى 15 قاڭتارداعى 07 ساعات 00 مينۋتتان باستاپ جويىلسىن.


• «تۇركىستان وبلىسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 5 قاڭتارداعى № 742 جارلىعىمەن ەنگىزىلگەن تۇركىستان وبلىسىنىڭ شەكارالارىنداعى توتەنشە جاعدايدىڭ كۇشى 2022 جىلعى 14 قاڭتارداعى 18 ساعات 00 مينۋتتان باستاپ جويىلسىن.


• «قاراعاندى وبلىسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 5 قاڭتارداعى № 741 جارلىعىمەن ەنگىزىلگەن قاراعاندى وبلىسىنىڭ شەكارالارىنداعى توتەنشە جاعدايدىڭ كۇشى 2022 جىلعى 14 قاڭتارداعى 18 ساعات 00 مينۋتتان باستاپ جويىلسىن.


• «شىعىس قازاقستان وبلىسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 5 قاڭتارداعى № 739 جارلىعىمەن ەنگىزىلگەن شىعىس قازاقستان وبلىسىنىڭ شەكارالارىنداعى توتەنشە جاعدايدىڭ كۇشى 2022 جىلعى 14 قاڭتارداعى 18 ساعات 00 مينۋتتان باستاپ جويىلسىن.


• «شىمكەنت قالاسىندا توتەنشە جاعدايدى ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 5 قاڭتارداعى № 734 جارلىعىمەن ەنگىزىلگەن شىمكەنت قالاسىنىڭ شەكارالارىنداعى توتەنشە جاعدايدىڭ كۇشى 2022 جىلعى 14 قاڭتارداعى 18 ساعات 00 مينۋتتان باستاپ جويىلسىن.

وسى جارلىق قول قويىلعان كۇنىنەن باستاپ قولدانىسقا ەنگىزىلەدى.