قازاقستان پرەزيدەنتى قاسىم-جومارت توقايەۆ ماڭعىستاۋ وبلىسىندا اپاتقا ۇشىراعان ازەربايجاننىڭ Azal اۋە كومپانياسىنىڭ ۇشاعىنداعى جولاۋشىلاردى قۇتقارۋ كەزىندە ەرلىك، كاسىبي شەبەرلىك جانە جوعارى ازاماتتىق جاۋاپكەرشىلىك تانىتقان ازاماتتاردى ماراپاتتادى، دەپ حابارلايدى aqshamnews.kz
ماراپاتتالعانداردىڭ قاتارىندا:
- توتەنشە جاعدايلار مينيسترلىگىنىڭ قىزمەتكەرلەرى،
- دارىگەرلەر مەن مەديسينا ماماندارى،
- پوليسيا قىزمەتكەرلەرى،
- ماڭعىستاۋ وڭىرلىك ەلەكتر جەلىلىك كومپانياسىنىڭ جۇمىسشىلارى،
- اقتاۋ حالىقارالىق اۋەجايىنىڭ قىزمەتكەرلەرى بار.
پرەزيدەنت ولاردىڭ باتىلدىعى مەن جانقيارلىعىن جوعارى باعالاپ، ەل يگىلىگى ءۇشىن جاساعان ەڭبەكتەرى ەرەكشە قۇرمەتكە لايىق ەكەنىن اتاپ ءوتتى.