ەلىمىزدىڭ 5 وبلىسىن باسقارعان بەردىبەك ماشبەك ۇلى ومىردەن ءوتتى.
مەملەكەت باسشىسى قاسىم-جومارت توقايەۆ كورنەكتى مەملەكەت جانە قوعام قايراتكەرى بەردىبەك ساپاربايەۆتىڭ دۇنيەدەن وتۋىنە بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى، ، دەپ حابارلايدى Almaty-akshamy.kz
«بەردىبەك ماشبەك ۇلى ۇزاق جىلعى ەسەلى ەڭبەك جولىندا لاۋازىمدى قىزمەتتەردى ابىرويمەن اتقارىپ، ەلىمىزدىڭ ساياسي-ەكونوميكالىق، الەۋمەتتىك-مادەني وركەندەۋىنە جانە وڭىرلەردى دامىتۋعا مول ۇلەس قوسقان ەدى. مەملەكەتىمىزدىڭ سىندارلى ساياساتىن زور بىلىكتىلىكپەن جۇرگىزە ءبىلدى. قازاقستاننىڭ بەدەلى مەن مارتەبەسىنىڭ ارتا تۇسۋىنە قاجىر-قايراتىن جۇمسادى. ازاماتتىق قادىر-قاسيەتىمەن ەل ىشىندە قۇرمەتكە بولەندى. سوڭىنا وشپەس ءىز قالدىرعان بەردىبەك ماشبەك ۇلىنىڭ ەسىمى مەن جارقىن بەينەسى حالقىمىزدىڭ جۇرەگىندە ماڭگى ساقتالادى. مارقۇمنىڭ يمانى سالامات، جانى ءجانناتتا بولسىن»، – دەپ جازىلعان جەدەلحاتتا.