مەملەكەت باسشىسى ەلىمىزدە اۋقىمدى وزگەرىستەر جاسالىپ جاتقانىن جانە الدىمىزدا كونستيتۋسيالىق رەفورما جۇرگىزۋ، مۇلدە جاڭا ساياسي جۇيەگە قادام باسۋ مىندەتى تۇرعانىن ايتتى، - دەپ حابارلايدى Aqshamnews.kz.
سونىمەن قاتار جاڭا داۋىردە بارلىق سالاعا سيفرلاندىرۋ مەن جاساندى ينتەللەكتىنى جاپپاي ەنگىزۋ جۇمىسىمەن بەلسەندى تۇردە اينالىسۋ قاجەت ەكەنىن اتاپ ءوتتى.
قاسىم-جومارت توقايەۆ قوعامىمىزعا، جالپى ەلىمىزگە زاڭ ۇستەمدىگى، ءتارتىپ مىقتىلىعى اۋاداي قاجەتتىگىن ايتتى.
«كەيبىر شەت ەلدەردە بولىپ جاتقان قازىرگى وتە كۇردەلى احۋالدى كورىپ، بۇل ساياساتىمىزدىڭ دۇرىستىعىنا ءبارىمىزدىڭ كوزىمىز جەتىپ وتىر، وعان ەشقانداي كۇمان جوق. زاڭ مەن ءتارتىپ مەملەكەتتىك ساياساتىمىزدىڭ نەگىزگى قاعيداتى رەتىندە قابىلدانۋى كەرەك، بۇل قاعيداتتى جاڭا كونستيتۋسيامىزعا مىندەتتى تۇردە ەنگىزۋ قاجەت دەپ سانايمىن. سەبەبى بۇل ەشقاشان وزەكتىلىگىن جوعالتپايتىن، ومىرشەڭ قاعيدات ەكەنى داۋسىز. باس پروكۋراتۋرانىڭ وسى سالاداعى ءرولى اسا ماڭىزدى. پروكۋراتۋرا قىزمەتكەرىنىڭ زاڭنىڭ بۇزىلۋىنا بەيتاراپ، سەلقوس قاراۋعا قۇقىعى جوق».