پرەزيدەنت اۆياوتىن ماسەلەسىن تۇبەگەيلى شەشۋدى تاپسىردى، - دەپ حابارلايدى aqshamnews.kz ءتىلشىسى.
مەملەكەت باسشىسىنىڭ پىكىرىنشە، سالانى دامىتۋدا نەگىزگى ەكى پروبلەما بار. بۇل – باعانىڭ جوعارى بولۋى جانە ىشكى ءوندىرىس كولەمىنىڭ جەتكىلىكسىزدىگى.
"ەڭ اۋەلى، الداعى ءۇش جىلدا ەلىمىزدىڭ ىشكى ءوندىرىس كولەمىن ارتتىرۋ، يمپورتتى ءارتاراپتاندىرۋ كەرەك. اقىلعا قونىمدى باسەكەلەستىك ساقتالۋعا ءتيىس. رەتتەۋ ىسىندەگى بارلىق وزگەرىس كەزەڭ-كەزەڭىمەن ءارى ناقتى، وتىندى تۇراقتى جەتكىزۋگە كەدەرگى كەلتىرمەي ىسكە اسىرىلۋى قاجەت. جۇمىس ىستەپ تۇرعان ۇيىمدار بازاسىندا اۆياسيا عىلىمي-زەرتتەۋ ينستيتۋتىن قۇرعان جانە وتىندى سەرتيفيكاتتاۋ زەرتحاناسىن اشقان ءجون. ۇكىمەتكە مونوپولياعا قارسى ورگاندارمەن بىرگە بۇل ماسەلەلەردى شەشۋ بويىنشا تەز ارادا كەشەندى شارا قابىلداۋدى تاپسىرامىن"، – دەدى مەملەكەت باسشىسى.