پرەزيدەنت اكىمشىلىگىنىڭ باسشىسى مۇرات نۇرتىلەۋ باسەكەلەستىكتى قورعاۋ جانە دامىتۋ اگەنتتىگىنىڭ ۇجىمىنا جاڭا ءتوراعانى تانىستىردى.
پرەزيدەنت اكىمشىلىگىنىڭ باسشىسى اگەنتتىكتىڭ بۇرىنعى ءتوراعاسى سەرىك جۇمانعارينگە تابىستى قىزمەتى ءۇشىن العىس ءبىلدىرىپ، ونىڭ جوعارى كاسىبي بىلىكتىلىگىن اتاپ ءوتتى، دەپ حابارلايدى Almaty-akshamy.kz.
مۇرات نۇرتىلەۋ ۆەدومستۆو ۇجىمىنا جاڭا باسشىنى تانىستىرا وتىرىپ، مارات وماروۆتىڭ ءارتۇرلى جاۋاپتى لاۋازىمداردا مول تاجىريبە جيناعانىن اتاپ ءوتتى.
مۇرات نۇرتىلەۋ قازىرگى ۋاقىتتا ۆەدومستۆو قىزمەتىنىڭ الدىندا پرەزيدەنت قاسىم-جومارت توقايەۆ قويعان ماڭىزدى مىندەتتەر تۇرعانىنا باسا ءمان بەردى. اتاپ ايتقاندا، اگەنتتىك ءادىل باسەكەنى دامىتۋ جانە قورعاۋدىڭ ءتيىمدى جۇيەسىن قالىپتاستىرۋعا، ەكونوميكانى دەمونوپوليزاسيالاۋعا، مەملەكەتتىڭ كاسىپكەرلىك قىزمەتكە ارالاسۋىن شەكتەۋ جۇمىسىنا بار كۇش-جىگەرىن جۇمىلدىرۋى ءتيىس.
ءسوز سوڭىندا پرەزيدەنت اكىمشىلىگىنىڭ باسشىسى اگەنتتىك ۇجىمىنا تابىس تىلەدى.