بۇگىن قازاقستان رەسپۋبليكاسىنىڭ پرەزيدەنتى اكىمشىلىگىنىڭ باسشىلىق قۇرامى رەيحستاگقا ءبىرىنشى بولىپ تۋ تىككەن قازاق حالقىنىڭ ۇلى پەرزەنتى، «حالىق قاھارمانى» راقىمجان قوشقاربايەۆتىڭ ەسكەرتكىشىنە گۇل شوعىن قويىپ، قازاقستاندىق جاۋىنگەرلەردىڭ رۋحىنا تاعزىم ەتتى. بۇل تۋرالى Almaty-akshamy.kz حابارلايدى Inform.kz-كە سىلتەمە جاساپ.
سالتاناتتى شاراعا پرەزيدەنت اكىمشىلىگىنىڭ باسشىسى مۇرات نۇرتىلەۋ مەن پرەزيدەنت اكىمشىلىگى باسشىسىنىڭ ورىنباسارى ايدا بالايەۆا قاتىستى.
ەسكە سالايىق، بۇگىن پرەزيدەنت قاسىم-جومارت توقايەۆ، مەملەكەتتىك حاتشى ەرلان قارين، سەنات سپيكەرى ماۋلەن اشىمبايەۆ پەن ۇكىمەت باسشىسى ءاليحان سمايىلوۆ جەڭىس كۇنى مەرەكەسىنە ارنالعان ءىس-شارالارعا قاتىستى.