پرەمەر ۆاكسينالاۋ قارقىنىن كۇشەيتۋ قاجەتتىگىن ايتتى

Ashyq جۇيەسىنە 100 مىڭنان استام كاسىپكەرلىك سۋبەكت كىرەدى.

ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق احۋال قارالدى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.

قازاقستانداعى سانيتارلىق-ەپيدەميولوگيالىق جاعداي باياۋ ءوسۋ ۇردىسىنە يە جانە بىرتىندەپ تۇراقتانۋدا. ۆيرۋستىڭ رەپرودۋكتيۆتىك يندەكسى – 1،01 قۇرايدى، ينفەكسيالىق توسەك-ورىندار 54%، رەانيماسيالىق توسەكتەر 45% تولدى. بۇگىنگى تاڭدا 5،9 ملن جۋىق ادام ءبىرىنشى كومپونەنتتى، شامامەن 4،5 ملن ادام ەكىنشى كومپونەنتتى الدى.

ۇكىمەت باسشىسى بيىل تامىز ايىندا ۆاكسينالاۋ جوسپارىنىڭ ورىندالۋىن قامتاماسىز ەتە وتىرىپ، اسىرەسە، باتىس قازاقستان، ماڭعىستاۋ جانە اتىراۋ وبلىستارىندا ۆاكسينالاۋ قارقىنىن كۇشەيتۋ قاجەتتىگىن اتاپ ءوتتى. پرەمەر-مينيستر نۇر-سۇلتان، الماتى جانە شىمكەنت قالالارىنا، سونداي-اق قاراعاندى وبلىسىنا ەرەكشە نازار اۋدارا وتىرىپ، بارلىق وڭىردەگى سانيتارلىق-ەپيدەميولوگيالىق جاعدايدى باقىلاۋدا ۇستاۋدى تاپسىردى.

سونىمەن قاتار حالىقتىڭ شەكتەۋ شارالارىن، ەڭ الدىمەن ماسكا تاعۋ رەجيمىن ساقتاۋىن قامتاماسىز ەتۋ قاجەت ەكەنى اتاپ ءوتىلدى. ول ءۇشىن كارانتين تالاپتارىن بۇزۋشىلاردى جاۋاپكەرشىلىككە تارتا وتىرىپ، مونيتورينگتىك توپتاردىڭ جۇمىسىن جانداندىرۋ تاپسىرىلدى.

«Ashyq جۇيەسىنە قاتىساتىن كاسىپكەرلىك سۋبەكتىلەرىنىڭ سانى ۇنەمى ارتىپ كەلەدى. ولاردىڭ سانى 5 ەسەگە – 21 مىڭنان 101 مىڭعا دەيىن ءوستى. بۇل بيزنەسكە ءوز قىزمەتىن جالعاستىرۋعا مۇمكىندىك بەرەدى. سوندىقتان Ashyq قوسىمشاسىنىڭ قولدانىلۋ اياسىن ودان ءارى كەڭەيتۋ قاجەت»، — دەدى اسقار مامين.