13،3 ترلن تەڭگەنىڭ 444 يمپورت الماستىرۋ جوباسى ينۆەستيسيالىق جوبالار پۋلىنا ەنگىزىلدى
مەملەكەت باسشىسىنىڭ تاپسىرمالارىن جانە قازاقستان رەسپۋبليكاسىنداعى الەۋمەتتىك-ەكونوميكالىق جاعدايدى تۇراقتاندىرۋ جونىندەگى جەدەل ءىس-قيمىل جوسپارىن ورىنداۋ جونىندەگى كەزەكتى كەڭەستە يمپورت الماستىرۋدى دامىتۋدىڭ وزەكتى ماسەلەلەرى قارالدى، دەپ حابارلايدى اlmaty-akshamy.kz
2022 جىلعى 19 ناۋرىزدا نۇر-سۇلتان قالاسىندا پرەمەر-مينيستر ءاليحان سمايىلوۆتىڭ توراعالىعىمەن مەملەكەت باسشىسىنىڭ تاپسىرمالارىن جانە قر-داعى الەۋمەتتىك-ەكونوميكالىق جاعدايدى تۇراقتاندىرۋ جونىندەگى جەدەل ءىس-قيمىل جوسپارىن ورىنداۋ جونىندەگى كەزەكتى كەڭەس ءوتتى.
ستاتيستيكاعا سايكەس، وتكەن جىلعى قورىتىندى دەرەكتەر بويىنشا، قازاقستان رەسپۋبليكاسىنا $38،3 ملرد سوماسىنا وڭدەۋ ونەركاسىبىنىڭ ونىمدەرى يمپورتتالعان.
ماشينا جاساۋ ($16،4 ملرد)، حيميا ونەركاسىبى ($3،2 ملرد)، قارا مەتاللۋرگيا ($2،4 ملرد)، جەڭىل ونەركاسىپ ($2،2 ملرد)، قۇرىلىس ماتەريالدارىن ($1،4 ملرد)، ءتۇستى مەتاللۋرگيا ($679 ملن) ونىمدەرى كوپ كولەمدە جەتكىزىلەدى.
ق ر پرەزيدەنتى قاسىم-جومارت توقايەۆتىڭ تاپسىرماسىن ورىنداۋ ماقساتىندا ق ر مەملەكەتتىك ورگاندارى وتاندىق وڭدەۋ ونەركاسىبىنە تەرەڭ تالداۋ جۇرگىزدى، سونىڭ ناتيجەسىندە ونىڭ ەلەۋلى الەۋەتى انىقتالىپ، سالالار بويىنشا باسەكەلەستىك ارتىقشىلىقتارى، سونداي-اق ونەركاسىپتى ودان ءارى دامىتۋدىڭ الەۋەتتى سالالارى ايقىندالدى.
قازىرگى ۋاقىتتا جۇرگىزىلگەن تالداۋ نەگىزىندە يمپورت الماستىرۋ باعدارلاماسىنىڭ جوباسى ازىرلەندى، ونىڭ نەگىزگى ماقساتى – يمپورتتى قىسقارتۋ، ەكسپورتتىق ارتىقشىلىقتاردى جانە وتاندىق ءوندىرىستىڭ باسەكەگە قابىلەتتىلىگىن ارتتىرۋ.
تالداۋ قورىتىندىسى بويىنشا، وبلىستاردىڭ، الماتى، نۇر-سۇلتان جانە شىمكەنت قالالارىنىڭ اكىمدىكتەرى وڭدەۋ ونەركاسىبى سالالارىنداعى ينۆەستيسيالىق جوبالار پۋلىن جاسادى. بۇل تىزىمگە 88 مىڭ جاڭا تۇراقتى جۇمىس ورىندارىن قۇرۋ الەۋەتى بار جالپى سوماسى 13،3 ترلن تەڭگەنى قۇرايتىن 444 يمپورت الماستىرۋ جوباسى كىردى.
بيىل يندۋستريالاندىرۋ كارتاسى شەڭبەرىندە ەل وڭىرلەرىندە 10،8 مىڭ جاڭا تۇراقتى جۇمىس ورنىن قۇرا وتىرىپ، جالپى سوماسى 1،4 ترلن تەڭگەگە 90 جوبانى ىسكە قوسۋ جوسپارلانعان. كەڭەس قورىتىندىسى بويىنشا ق ر پرەمەر-مينيسترى ءبىر اي ىشىندە وڭىرلەر بويىنشا يمپورت الماستىرۋ باعدارلاماسىن ازىرلەپ، بەكىتۋدى تاپسىردى.
«الەمدە قالىپتاسقان گەوساياسي جاعدايعا بايلانىستى بۇل – اسا وزەكتى ماسەلە. سوندىقتان وسى باعىتتاعى جۇمىستى جانداندىرىپ، يمپورت الماستىراتىن جوبالاردى ىسكە اسىرۋ ءۇشىن ينۆەستيسيالار تارتۋ قاجەت»، — دەدى ءاليحان سمايىلوۆ.