«قازاقستاندىقتارعا لگبت ناسيحاتتايتىن وقۋ باعدارلاماسى ازىرلەنىپ جاتىر»
الەۋمەتتىك جەلىلەردە قازاقستاندىق مەكتەپتەردە بولاشاقتا «لگبت دامىتۋ» جانە ەرتە جىنىستىق اعارتۋ بويىنشا ساباقتار وتكىزىلەتىنى تۋرالى اقپارات تاراتىلىپ جاتىر. بۇل قاۋەسەتتى ءبىلىم جانە عىلىم مينيسترلىگى جوققا شىعاردى.
ۆەدومستۆونىڭ حابارلاۋىنشا، مۇنداي جاڭاشىلدىقتاردى مەكتەپ باعدارلاماسىنا ەنگىزۋ ماسەلەسى قاراستىرىلىپ جاتقان جوق.
الەۋمەتتىك جەلىلەردە قازاقستاندا وقۋشىلارعا ارنالعان «لگبت دامىتۋ» جانە ەرتە جىنىستىق اعارتۋ بويىنشا باعدارلاما ازىرلەنىپ جاتقانى تۋرالى جالعان اقپارات تاراتىلۋدا. مۇنداي اقپارات شىندىققا جاناسپايدى. بۇل - تاعى ءبىر فەيك. مۇنداي تاقىرىپتاردى ناسيحاتتاۋ بويىنشا قانداي دا ءبىر وقۋ باعدارلامالارى مەن پاندەر جوق جانە بولمايدى دا. بالالاردى پاتريوتيزمگە، ەڭبەكسۇيگىشتىككە، وتباسىلىق قۇندىلىقتارعا ۇيرەتەتىن قازاقستاندىق مۇعالىمدەر مۇنداي باستامالار كوتەرگەن جوق، – دەپ حابارلادى ق ر بعم باسپا ءسوز قىزمەتى.
سونداي-اق ۆەدومستۆو وكىلدەرى جالعان اقپارات تاراتقانى ءۇشىن جاۋاپكەرشىلىك جۇكتەلەتىنىن ەسكە سالىپ، بعم رەسمي پاراقشالارىندا جانە مينيسترلىك سايتىندا جاريالاناتىن رەسمي مالىمەتتەرگە عانا سەنۋگە شاقىردى.