مەملەكەت باسشىسى قاسىم-جومارت توقايەۆتىڭ تاپسىرماسى بويىنشا سۋ تاسقىنى جاعدايىن تۇراقتاندىرۋ ءۇشىن پرەمەر-مينيستر مەن ۆيسە-پرەمەرلەر سۋ تاسقىنىنا بايلانىستى اسا كۇردەلى احۋال قالىپتاسىپ وتىرعان وڭىرلەردە جۇمىس ىستەپ جاتىر.
پرەمەر-مينيستر، سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ سالدارىن جويۋ جونىندەگى رەسپۋبليكالىق شتابتىڭ جەتەكشىسى ولجاس بەكتەنوۆ ءقازىر – قوستاناي وبلىسىندا.
- پرەمەر-مينيستردىڭ ءبىرىنشى ورىنباسارى رومان سكليار سولتۇستىك قازاقستان وبلىسىنا اتتاندى.
- پرەمەر-مينيستردىڭ ورىنباسارلارى سەرىك جۇمانعارين اقتوبە وبلىسىنا، نۇرلان بايبازاروۆ باتىس قازاقستان وبلىسىنا جىبەرىلدى.
- ءساۋىردىڭ 5-نەن 6-نا قاراعان ءتۇنى پرەمەر-مينيستردىڭ ورىنباسارى قانات بوزىمبايەۆ اتىراۋ وبلىسىنا ۇشىپ باردى.
بۇعان دەيىن ولجاس بەكتەنوۆ اقتوبە وبلىسىنداعى سۋ تاسقىنىنىڭ سالدارىن جويۋ جونىندەگى جۇمىستاردى، سونداي-اق شىعىس قازاقستان وبلىسىنىڭ سۋ تاسقىنىنا دايىندىعىن تەكسەرگەن بولاتىن.