اسقار مامين «وسكەمەن-تالدىقورعان»، «قالباتاۋ-مايقاپشاعاي»، «ءۇشارال-دوستىق»، «قاراعاندى-بالقاش-قاپشاعاي»، «مەركى-بۋرىلبايتال» اۆتوجولىنىڭ قۇرىلىسىمەن تانىستى.
پرەمەر-مينيستر الماتى وبلىسى مەن شىعىس قازاقستان جانە قاراعاندى وڭىرلەرىندەگى جول ساپاسىن تەكسەردى، دەپ حابارلايدى Almaty-akshamy.kz
جولدىڭ ءبىرقاتارى پايدالانۋعا بەرىلگەن. كەيبىرىنىڭ قۇرىلىسى تولىقتاي كەلەسى جىلى اياقتالماق.
ۇزىندىعى 768 شاقىرىم بولاتىن «وسكەمەن-تالدىقورعان» اۆتوجولى جىل سوڭىنا دەيىن اشىلادى.
«ءۇشارال-دوستىق» اۆتوجولىنىڭ 145 شاقىرىمى سالىنىپ قويدى.
ال قاراعاندى وبلىسىندا پرەمەر-مينيستر جالپى ۇزىندىعى 946 شاقىرىم بولاتىن «قاراعاندى-بالقاش-بۋرىلبايتال-كۇرتى-قاپشاعاي» اۆتوموبيل جولىن تەكسەردى. وسكەمەن قالاسىندا ۇكىمەت باسشىسىنا حالىقارالىق اۋەجايدىڭ ۇشۋ-قونۋ جولاعىن جاڭارتۋ جۇمىستارى اياقتالعانى تۋرالى باياندالدى. جولاقتىڭ ۇزىندىعى 2800، ەنى 60 مەترگە دەيىن كەڭەيتىلدى. جالپى، بيىل ەلدە 8 مىڭ 400 شاقىرىم جول سالىنىپ، جاڭارتىلدى. ونىڭ 5 مىڭ شاقىرىمى رەسپۋبليكالىق، 3 جارىم مىڭى جەرگىلىكتى ماڭىزداعى جول