ۆلتاۆا بويىنداعى «پراگا» كەمەسىندە قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان سەرۋەن ۇيىمداستىرىلدى.
قازاقستان رەسپۋبليكاسىنىڭ چەحياداعى ەلشىلىگىنىڭ جانە «قازاقستاننىڭ دوستار كلۋبىنىڭ» بىرلەسۋىمەن ۆلتاۆا بويىنداعى «پراگا» كەمەسىندە قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان سەرۋەن ۇيىمداستىرىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ەلشىلىكتىڭ باسپا ءسوز قىزمەتىنىڭ مالىمەتىنشە، شاقىرىلعان قوناقتاردىڭ اراسىندا ارىستەر، چەح رەسپۋبليكاسىنىڭ ب ا ق وكىلدەرى جانە قازاق ستۋدەنتتەرى بار. قازاقستاندىق ديپلوماتتار ءوز سوزدەرىندە قوناقتارعا ەلىمىزدىڭ تاۋەلسىزدىك جىلدارىنداعى ساياسي جانە الەۋمەتتىك-ەكونوميكالىق دامۋىنىڭ نەگىزگى جەتىستىكتەرى تۋرالى، سونداي-اق ازاماتتاردىڭ مەملەكەتكە دەگەن سەنىمىن ارتتىرۋعا باعىتتالعان رەفورمالار تۋرالى ەگجەي-تەگجەيلى ايتىپ بەردى.
كەمەنىڭ ارنايى مەرەكەلىك بەزەندىرىلگەن پالۋباسىندا قوناقتاردى ۇلتتىق كيىم كيگەن قازاقستاندىق ستۋدەنتتەر قارسى الدى. ءىس-شارانى ۇيىمداستىرۋشىلار قازاقستاننىڭ تاۋەلسىزدىك جىلدارىنداعى جەتىستىكتەرىنە ارنالعان ءتۇرلى-تۇستى بەزەندىرىلگەن ەكسپوزيسيالاردى جانە سونىمەن بايلانىستى شاعىن كورمەنى ۇسىندى. ەلىمىزدىڭ ستۋدەنتتەرى ۇلتتىق اۋەندەردى دومبىرادا ورىنداپ، مۋزىكالىق كونسەرت ۇيىمداستىردى.