پراگادا قىمباتشىلىقتان شارشاعان حالىق نارازىلىققا شىقتى. ولاردىڭ باستى تالابى – ەل ۇكىمەتىنىڭ وتستاۆكاسى.
پراگا ورتالىعىندا مىڭداعان ادام نارازىلىق اكسياسىنا شىعىپ، ەل ۇكىمەتىنىڭ وتستاۆكاسىن تالاپ ەتتى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
Euronews اگەنتتىگىنىڭ جازۋىنشا، «چەحيا كەدەيلىككە قارسى» اتتى ۇرانمەن وتكەن نارازىلىق اكسياسىنا كەلگەندەر ەل ۇكىمەتىنىڭ وتستاۆكاسىن تالاپ ەتكەن. سونداي-اق، اكسيا كەزىندە چەحيا ۋكرايناعا كومەكتى توقتاتىپ، ءوز حالقىنىڭ جاعدايىنا نازار ءبولسىن دەگەن تالاپ ايتىلدى. ايتا كەتەيىك، شارانى جاڭا، پارلامەنتتىك ەمەس PRO پارتياسى ۇيىمداستارعان.
«ۋكراينانى قولداۋ ءۇشىن ەل بيۋدجەتىنەن قانشا قاراجات ءبولىندى؟ رەسەي مەن ۋكراينا اراسىنداعى سوعىستا ءبىزدىڭ ۇكىمەت بەيبىت كەلىسىمگە قول جەتكىزۋگە تالپىنۋدىڭ ورنىنا وتقا ماي قۇيىپ وتىر»، - دەيدى شارانى ۇيىمداستىرۋشىلاردىڭ ءبىرى يرجي گانس.
ال، چەحياداعى ينفلياسيا دەڭگەيى ءقازىر رەكوردتىق كورسەتكىشكە جەتكەن. ۋكرايناداعى سوعىسقا بايلانىستى ەنەرگيا تاسىمالداۋ قۇرالدارىنىڭ قىزمەت اقىسى وسكەن سوڭ، ەلدە جاپپاي قىمباتشىلىق باستالعان. چەحيا بيلىگى بولسا، كييەۆكە قارۋ-جاراق جىبەرىپ، جارتى ميلليونعا جۋىق بوسقىندى قابىلداپ العان.