الماتىدا ەكىنشى دەڭگەيلى بانكتەردىڭ، قارجىلىق رەتتەۋشى ورگانداردىڭ جانە مەملەكەتتىك باعدارلاما وپەراتورلارىنىڭ PR-ديرەكتورلارى بەيرەسمي كەزدەسۋ وتكىزدى. كەزدەسۋ بارىسىندا قارجى ۇيىمدارىندا KPI بەلگىلەۋدىڭ ساندىق جانە ساپالىق كورسەتكىشتەرىن ستاندارتتاۋ ماسەلەلەرى تالقىلاندى، دەپ حابارلايدى الماتى اقشامى.
سونىمەن، ماماندار PRD ستاندارتتار قارجىلىق سەكتور ۇيىمدارىنىڭ ءارتۇرلى ماقساتتى باعىتتارىن (بيزنەس، مەملەكەتتىك تاپسىرمالاردى ورىنداۋ، رەتتەۋ جانە نارىقتى دامىتۋ) ەسكەرۋى كەرەك دەپ كەلىستى.
سونداي-اق سالانىڭ وزەكتى ماسەلەلەرى مەن قارجى نارىعىنىڭ الدىندا تۇرعان مىندەتتەر تالقىلاندى. ەڭ ۇلكەن قيىندىق – الاياقتىق. سيفرلىق تەحنولوگيالاردىڭ دامۋى، كليەنتتەردى قاشىقتان اۋتەنتيفيكاسيالاۋعا كوشۋ، قارجىلىق ترانزاكسيالاردى سەرتيفيكاتتاۋ كەزىندە الاياقتاردىڭ دا سانى ارتىپ كەلەدى.
قارجى سەكتورىنىڭ PR اليانسىنىڭ بەيرەسمي كەزدەسۋلەرى توقسان سايىن وتكىزۋگە ۋاعدالاستى.