2025 جىلدىڭ 18 ساۋىرىندە الماتى قالاسى ءبىلىم باسقارماسىنىڭ مەديا-جوسپارى جانە «جۇمىسشى ماماندىقتار جىلى» اياسىندا الماتى قالاسىنداعى مەملەكەتتىك كوللەدجدەر اراسىندا «Polytech Information Olympiad – 2025» اتتى قالالىق ينفورماتيكا وليمپياداسى جوعارى دەڭگەيدە وتكىزىلدى، دەپ حابارلايدى aqshamnews.kz.
وليمپيادانىڭ باستى ماقساتى — تالانتتى جاستاردى قولداۋ، ستۋدەنتتەردىڭ IT سالاسىنداعى قۇزىرەتتەرىن، لوگيكالىق ويلاۋىن جانە شىعارماشىلىق قابىلەتتەرىن دامىتۋ. وليمپيادا قاتىسۋشىلارعا ءوز بىلىمدەرىن ناقتى كاسىبي سايىس جاعدايىندا قولدانۋعا، سونداي-اق جاڭا تاجىريبە مەن ءوز كۇشىنە دەگەن سەنىمدىلىك الۋعا مۇمكىندىك بەردى. مۇنداي ءىس-شارالار — بۇل سيفرلىق ەكونوميكانىڭ بولاشاعىنا سالىنعان ينۆەستيسيا جانە جاڭا بۋىنداعى سۇرانىسقا يە مامانداردى دايارلاۋدىڭ ءبىر بولىگى.
بۇل دوداعا قالانىڭ ءتۇرلى كوللەدجدەرىنەن ۇزدىك ستۋدەنتتەر قاتىسىپ، ءوز بىلىمدەرى مەن بىلىكتىلىكتەرىن كورسەتتى.
وليمپيادا مەملەكەتتىك جانە ورىس تىلدەرىندە وتكىزىلدى.
وليمپيادا 3 كەزەڭنەن تۇردى:
- Moodle پلاتفورماسىندا ونلاين تەستىلەۋ.
بۇل كەزەڭدە ينفورماتيكا ءپانى بويىنشا 40 سۇراقتان تۇراتىن تەست تاپسىردى. سۇراقتار قازاق جانە ورىس تىلدەرىندە جانە تاپسىرمالاردى ورىنداۋعا 40 مينۋت ۋاقىت بەرىلدى.
- Python باعدارلامالاۋ تىلىندە ەسەپتەر شىعارۋ.
ينفورماتيكا ءپانى بويىنشا Phyton باعدارلاماسىمەن تاپسىرمالاردى ورىنداۋ كومپيۋتەردە ورىندالدى.
- HTML/CSS كومەگىمەن «مەن — بولاشاق IT مامانىمىن» تاقىرىبىندا ۆەب-پاراقشا ازىرلەۋ.
قاتىسۋشىلار جاساعان ۆەب-پاراقتى HTML جانە CSS فايلدارىمەن بىرگە كورسەتكەن بولاتىن.
ءۇش كەزەڭنىڭ قورىتىندىسى بويىنشا قاتىسۋشىلار كەلەسى ناتيجەلەردى كورسەتتى:
قازاق تىلىندە ءبىلىم الۋشى ستۋدەنتتەر اراسىندا:
1 ورىن — سوبيت ۇلى بەكسۇلتان، الماتى تەحنولوگيالىق كوللەدجى
2 ورىن — تۇرسىنباي ولجاس، №1 الماتى قازاق گۋمانيتارلىق-پەداگوگيكالىق كوللەدجى
3 ورىن — بازارباي سەردالى، تۋريزم جانە قوناقجايلىلىق يندۋسترياسى كوللەدجى
ورىس تىلىندە ءبىلىم الۋشى ستۋدەنتتەر اراسىندا:
1 ورىن — الەكسسەيەۆ ياروسلاۆ، «Almaty Polytechnic College» كگكپ
2 ورىن — پەسوسكيي ءارتوم، «الماتينسكيي كوللەدج سەرۆيسا ي تەحنولوگيي» كگكپ
3 ورىن — شاپشاي ولگا، «الماتينسكيي گوسۋدارستۆەننىي بيزنەس كوللەدج» گككپ
جەڭىمپازداردى شىن جۇرەكتەن قۇتتىقتايمىز! بارلىق قاتىسۋشىلارعا بەلسەندىلىگى، باستاماشىلدىعى جانە IT سالاسىنا قىزىعۋشىلىعى ءۇشىن العىس بىلدىرەمىز!
وليمپيادانىڭ ءادىل ءارى وبەكتيۆتى وتۋىنە قازىلار القاسىنىڭ كاسىبيلىگى ۇلكەن ۇلەس قوستى. ءادىل قازىلار القاسىنىڭ قۇرامىندا:
- يبرايموۆا اينۋركەن بولاتوۆنا – ينفورماتيكا ءپانىنىڭ وقىتۋشىسى، پەداگوگ-زەرتتەۋشى (مەكتەپتەن كەلگەن ساراپشى مامان)؛
- المەتوۆا لاززات امانكۋلوۆنا – ينفورماتيكا ءپانىنىڭ وقىتۋشىسى، پەداگوگ-ساراپشى؛
- امانوۆا گۋلنارا الماحانوۆنا – ينفورماتيكا ءپانىنىڭ وقىتۋشىسى، پەداگوگ-مودەراتور بولدى.
قازىلار القاسى وليمپيادا بارىسىندا ءبىلىم الۋشىلاردىڭ جۇمىستارىنا ءادىل، جان-جاقتى تالداۋ جاساپ، ولاردىڭ تەوريالىق جانە پراكتيكالىق قابىلەتتەرىن ناقتى باعالاي ءبىلدى. مۇنداي كاسىبي كوزقاراس سايىستىڭ ساپالى ءارى شىنايى وتۋىنە سەپتىگىن تيگىزدى.
بۇل شارا ستۋدەنتتەردىڭ ءوزارا تاجىريبە الماسۋىنا، شىعارماشىلىق قابىلەتتەرىن تانىتۋعا، بولاشاق ءىت-ماماندارى رەتىندە وزدەرىن دامىتۋعا ۇلكەن مۇمكىندىك بەردى. مۇنداي ءبىلىم دودالارى – تەحنيكالىق باعىتتاعى جاستاردىڭ الەۋەتىن اشۋدىڭ ماڭىزدى جولى.
وليمپيادا ستۋدەنتتەردىڭ سيفرلىق ساۋاتتىلىعىن ارتتىرىپ قانا قويماي، ولاردىڭ شىعارماشىلىق الەۋەتىن دامىتۋعا جول اشتى. بۇل شارا — تەك جارىس ەمەس، بولاشاق مامانداردىڭ العاشقى قادامدارىن نىعايتاتىن، يدەيالارىن جۇزەگە اسىرۋعا مۇمكىندىك بەرەتىن پلاتفورما بولدى.
Polytech Information Olympiad – 2025 — بۇل ءبىلىم مەن بىلىكتىلىك، شىعارماشىلىق پەن تەحنولوگيانىڭ تۇيىسكەن الاڭى. كەلەشەكتە مۇنداي وليمپيادالار جالعاسىن تاۋىپ، تەحنيكالىق سالاداعى جاستاردىڭ جاڭا بەلەستەرگە جەتۋىنە جول اشادى دەگەن سەنىمدەمىز.