پولشا وقۋعا شاقىرادى

پولشا رەسپۋبليكاسىنىڭ جوعارى وقۋ ورىندارىندا وقۋعا قۇجاتتاردى قابىلداۋ باستالادى

2024 جىلعى 26 ناۋرىزدا قازاقستان رەسپۋبليكاسىنىڭ ۇكىمەتى مەن پولشا رەسپۋبليكاسىنىڭ ۇكىمەتى اراسىنداعى كەلىسىم شەڭبەرىندە «باكالاۆريات»، «ماگيستراتۋرا» جانە «دوكتورانتۋرا» باعدارلامالارى بويىنشا پولشا رەسپۋبليكاسىنىڭ جوعارى وقۋ ورىندارىندا وقۋعا قۇجاتتاردى قابىلداۋ باستالادى، دەپ حابارلايدى اlmaty-akshamy.kz.

وتىنىمدەر 2024 جىلعى 26 ناۋرىز ساعات 9:00-دەن 2024 جىلعى 18 ءساۋىر ساعات 18:30-عا دەيىن «ەلەكتروندىق ۇكىمەت» پورتالى ارقىلى ونلاين قابىلدانادى.

قازاقستاندىق ازاماتتار ءۇشىن 11 گرانت ءبولىندى:

- «باكالاۆريات» باعدارلاماسى بويىنشا-3 گرانت؛

- «ماگيستراتۋرا» باعدارلاماسى بويىنشا-4 گرانت؛

- «دوكتورانتۋرا» باعدارلاماسى بويىنشا-4 گرانت.

 گرانت مىناداي شىعىستاردى جابۋدى كوزدەيدى:

- تەگىن وقىتۋ؛

- «دوكتورانتۋرا» باعدارلاماسى بويىنشا وقۋ كەزىندە اي سايىنعى ستيپەنديا.

قازاقستان ازاماتتارىنىڭ «باكالاۆريات»، «ماگيستراتۋرا» باعدارلامالارى بويىنشا تۇرۋى ءبىلىم الۋشىنىڭ ءوز قاراجاتى ەسەبىنەن جۇزەگە اسىرىلادى. بارلىق ستيپەندياتتار مەديسينالىق ساقتاندىرۋ الۋعا مىندەتتى.

وقىتۋ ءتىلى – پولياك ءتىلى. پولياك ءتىلىن وقىتۋ بويىنشا مىندەتتى دايىندىق كۋرستارى قاراستىرىلعان.

 ۇمىتكەرلەردى ىرىكتەۋدىڭ نەگىزگى كريتەرييلەرى:

1) بالدىق جۇيە بويىنشا شەت ءتىلىن ءبىلۋ دەڭگەيى؛

2) بالدىق جۇيە بويىنشا ءبىلىم تۋرالى قۇجاتتىڭ ورتاشا بالى؛

3) تاۋەلسىز ساراپتاما كوميسسياسىن باعالاۋ.

قاجەتتى قۇجاتتار تۋرالى قوسىمشا اقپاراتپەن، قۇجاتتاردى تاپسىرۋ جونىندەگى نۇسقاۋلىقپەن «حالىقارالىق باعدارلامالار ورتالىعى» اق bolashak.gov.kz سايتىندا تانىسۋعا بولادى.