الماتىدا پوليسەيگە جۇدىرىق الا جۇگىرگەن ەر ادام قاماۋعا الىندى، – دەپ حابارلايدى Polisia.kz.
19 جەلتوقسان ساعات 03:20-دا دوستىق داڭعىلى مەن سنەگين كوشەسىنىڭ قيىلىسىندا پاترۋلدىك پوليسيانىڭ مامانداندىرىلعان باتالونىنىڭ ەكيپاجى جۇرگىزۋشىسىنىڭ ىس-ارەكەتى كۇدىكتى بولىپ كورىنگەن Toyota اۆتوكولىگىن بايقادى. قولدانىلعان شارالاردىڭ ارقاسىندا كولىك توقتاتىلدى.
كولىك ىشىندە جۇرگىزۋشى مەن ءتورت جولاۋشى بولعان، ولار بىردەن تەرىس قىلىق كورسەتىپ، ماس كۇيدە پوليسيا قىزمەتكەرلەرىنىڭ زاڭدى تالابىنا باعىنبادى.
سونىمەن قاتار ەر ادامدار وزدەرىنىڭ زاڭسىز ارەكەتتەرى سەبەبىنەن توقتاتىلعان Toyota Camry كولىگىنىڭ جۇرگىزۋشىسىنە قاشىپ كەتۋگە كومەكتەستى.
ول دا ماس كۇيىندە رولگە وتىرعان بولۋى مۇمكىن. سونىڭ سالدارىنان جول قوزعالىسىنا قاتىسۋشىلارعا ناقتى ءقاۋىپ توندىرگەن. جۇرگىزۋشىنىڭ جەكە باسى انىقتالدى. ونى ۇستاۋ شارالارى جۇرگىزىلىپ جاتىر.
سونداي-اق قۇقىق بۇزۋشىلاردىڭ ءبىرى زاڭدى تالاپقا باعىنباي، پوليسيا قىزمەتكەرىنىڭ بەتىنەن ۇرعان. ونىڭ بۇل ارەكەتتەرى ق ر قك-نىڭ 380-بابى (بيلىك وكىلىنە قاتىستى قورقىتۋ نەمەسە كۇش كورسەتۋ ارەكەتتەرى) بويىنشا كۆاليفيكاسيالانادى.
سونىمەن قاتار وقيعاعا قاتىسۋشىلاردىڭ بارلىعىنا قاتىستى ق ر قك-نىڭ 379-بابى (بيلىك وكىلىنە باعىنباۋ) بويىنشا قىلمىستىق ءىس تىركەلدى جانە ق ر اقبتك-نىڭ 667-بابى (قۇقىق قورعاۋ ورگانى نەمەسە ارناۋلى مەملەكەتتىك ورگان، اسكەري پوليسيا ورگانى، مەملەكەتتىك فەلدەگەرلىك قىزمەت قىزمەتكەرىنىڭ (اسكەري قىزمەتشىسىنىڭ)، سوت پريستاۆىنىڭ، سوت ورىنداۋشىسىنىڭ زاڭدى وكىمىنە نەمەسە تالابىنا باعىنباۋ) جانە ق ر اقبتك-نىڭ 440-بابى (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ) بويىنشا اكىمشىلىك ماتەريالدار جيناقتالدى.