ءقازىر ورازا، مەن اۋىز بەكىتتىم، ديما ماعان كومەكتەسەدى
ەرلى-زايىپتىلار - دميتريي مەن ەلميرا داننيك الماتى قالاسىنىڭ پوليسياسىندا قىزمەت ەتەدى. ول - جەدەل كەزەكشى، پوليسيا پودپولكوۆنيگى. جۇبايى – پوليسيا مايورى شەنىندەگى، جىلدام قيمىلداۋ ارنايى جاساعىنىڭ ينسپەكتورى، دەپ حابارلايدى Almaty-akshamy.kz.
ەلميرا: ءبىز ءىىم اكادەمياسىندا تانىستىق. مەن ءبىرىنشى كۋرستا، ديما ءۇشىنشى كۋرستا وقىدى. ول ءبىزدىڭ توپتىڭ جىگىتتەرىنە كەلىپ جۇرەتىن، ولار جاقىن ارالاستى. ول بارلىق بالالار سياقتى سوڭعى پارتادا وتىردى، مەن - ءبىرىنشى پارتادا. ول - مەنىڭ بولاشاق كۇيەۋىم دەپ ويلامادىم»، - دەدى، مايور داننيك.
دميتريي: ەلميرا ءىىم اكادەمياسىن بىتىرگەن كەزدە، قاتاردا تۇرعاندا مەن وعان عاشىق بولدىم. مەن ونىڭ قاتاردا قالاي تۇرعانىن كوردىم - بۇل بىردەن جانىما جاقتى. سول كەزدە مەن وعان ۇيلەنەمىن دەپ شەشتىم»، - دەپ، وتاعاسى ماحاببات تاريحىن ەسكە الدى.
ەلميرا: ءبىز سانالى تۇردە تاجىريبەدە دوس بولدىق. ول ماعان كومەكتەستى، مەنىمەن بىرگە كەزەكشىلىكتە بولدى، وقيعا ورنىنا باردى - تۇندە قىز بالانىڭ مەكەنجايلارعا بارۋى ءقاۋىپتى بولدى. قورشاۋعا بىرگە بارىپ جۇردىك. وسىدان كەيىن، ءبىز ءبىر-بىرىمىزسىز ءومىر سۇرە المايتىنىمىزدى تۇسىندىك.
دميتريي: انام ءبىز ۇيلەنگىمىز كەلەتىنىن بولجاپ ءجۇردى. ساقينا الۋعا بارعان كەزدە، ەڭ ءبىرىنشى اناما حابار بەردىم. ول قۋاندى. ول ءبىزدى كوزىنە جاس الىپ قارسى الدى.
ەلميرا: بىزدە بۇنداي جوق: نە سەنىڭ ءداستۇرىڭ، نە مەنىڭ ءداستۇرىم. ءبىز ءبارىن بىرىكتىرەمىز. ءقازىر ورازا، مەن اۋىز بەكىتتىم، ديما ماعان كومەكتەسەدى.
دميتريي: ول ۇيگە اۋىزاشارعا كەلەدى، مەن داستارحان جايىپ، ونى تاماقتاندىرامىن. تاڭەرتەڭ مەن ونى سارەسىنە تۇرعىزۋ ءۇشىن وياتقىشتى قويامىن
ەلميرا: ءبىزدىڭ اتا-انالارىمىزعا كوپ راحمەت. ولار بىزگە كومەكتەسەدى. كىشكەنتاي قىزىمىز ءوسىپ كەلە جاتىر. ولار ونى مەكتەپتەن الىپ كەتەدى، جاتتىعۋعا اپارادى، ءبىر سوزبەن ايتقاندا، اتا-انامىز كۇندەلىكتى ماسەلەلەردى شەشۋگە كومەكتەسەدى
دميتريي: مەن وتانداستارىمىزعا سەنىم، سابىر، ۇلتىنا، دىنىنە قاراماستان ءبارى ءبىرىن-بىرى باعالاۋلارىن تىلەيمىن. بىزدە قازاقستاندا ءبارى ءبىر. بارلىعىنا زور دەنساۋلىق تىلەيمىن!