جاڭا جىلدىق مەرەكە قارساڭىندا پوليسيا كۇشەيتىلگەن جۇمىس رەجيمىنە كوشتى.
وسىعان بايلانىستى وتكىزىلگەن جەدەل كەڭەستە ىشكى ىستەر ءمينيسترى قوعامدىق ءتارتىپتى ساقتاۋ جانە ازاماتتاردىڭ تىنىشتىعىن قامتاماسىز ەتۋ بويىنشا قىزمەتكەرلەرگە ءبىرقاتار مىندەت جۇكتەدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
«بۇگىننەن باستاپ ەرەكشە بۇيرىققا دەيىن ءبىز قىزمەت كورسەتۋدىڭ كۇشەيتىلگەن نۇسقاسىنا كوشەمىز. قۇقىقتىق ءتارتىپ مەن ازاماتتاردىڭ قاۋىپسىزدىگىن قامتاماسىز ەتۋدى، جاياۋ ناريادتاردىڭ سانىن كوبەيتۋدى، شىرشالاردىڭ ساقتالۋىنا جاۋاپتىلاردى انىقتاۋدى، قۇقىق بۇزۋشىلىقتاردىڭ جولىن كەسۋدى، مۇلدەم توزبەۋشىلىك پەن جازانىڭ بۇلتارتپاستىعى قاعيداتىن قامتاماسىز ەتۋدى تاپسىرامىن. زاڭدىلىق پەن ءتارتىپتىڭ ساقتالۋىنا ەرەكشە نازار اۋدارۋ قاجەت. حالىق پەن قوعامنىڭ تالابى – كاسىبي بىلىكتى جانە ادال پوليسيا. ءبىز وسى تالاپقا ساي بولۋىمىز كەرەك»، – دەپ اتاپ ءوتتى ەرجان سادەنوۆ.
سونىمەن قاتار كەڭەستە جەكە قۇرامعا ەلىمىزدىڭ بارلىق وڭىرلەرىندە گارنيزوندىق ساپ تۇزەۋ وتكىزۋ تاپسىرىلدى.